نزيله المصحه بقلم ريناد يوسف
المحتويات
اطباق من السلطه مع طبق من المخللات مع طبق كبير من اصابع البطاطا الذهبية المقرمشه
وبرغم جوع حمزه الشديد الا ان استغرابه كان اشد وهو يسأل نفسه
ترى من اين اتت السيده كريمه بالمكونات التي طهت بها هذا الطعام
ايعقل ان هذه الاشياء كانت بالشقه من قبل
ام اشترتهم هي!!
وان كانت موجودا فى الشقه بالفعل
اما إن كان الطعام طازجا فهنا يحضره السؤال عن متي اتت به وكيف!
ولم يستطع كبح جماح فضوله اكثر سألها بفضول واضح
هو كان فيه اكل في الشقه هنا ولا ايه ياست كريمه
كريمه بإبتسامه لأ يابني دانا لما انت خرجت اديت فلوس للبواب وقلتله يشتريلي الحاجات اللي طبختها دي
كريمه مكنتش هتاخد تمنهم دول كمان وبصراحه انا حاسه اننا تقلنا عليك قوي وبكفايه جدعنتك معانا باخلاقك فمتبقاش باخلاقك وفلوسك يبقي كده كتير وحرام بصراحه
حمزه متقوليش كده ياست كريمه انا اعتبرتكم اهلي ومسئول عنكم ومفيش بين الاهل الكلام دا
ودلوقتي يلا بقى عشان تاكل زمان عصافير بطنك صوصوت من الجوع وانا هدخل اجيب ود عشان تاكل هي كمان
وما ان انهت عباراتها حتي تحركت نحو غرفة ود
واسرع الطبيب حمزه فى اتجاه الطعام فقد قاربت على الحقيقه حينما قالت ان عصافير بطنه بدأت بالزقزقه من الجوع
جلس الطبيب حمزه واختلس بعضا من حبات المعكرونه بإحدى الملاعق التي امامه واكلهم سريعا لكي ينبه معدته بأن تستعد فأن الطعام قادم
ومن بعدها توقف عن الاكل وهو يرى السيدة كريمه تخرج من غرفة ود وهي ممسكة بذراعها
لكنه لم يجد سوى انها قد رفعت شعرها للأعلى وغسلت وجهها فقط ليس الا ولم يصدق ان حركتان بسيطتان يغيران الشكل للأجمل هكذا!!
اقتربتا منه وقامت كريمه بإجلاس ود علي الكرسي المجاور لحمزه وقربت منها الطعام
وكم تمني الطبيب حمزه لو أنه كان يجلس امام الطعام وحيدا الان
لكان تعامل مع الطعام بالطريقه التي يجب ان يكون عليها التعامل مع الطعام اللذيذ
فإن محاولته لمجارات ود والسيده كريمه فى طريقة الاكل المهذبه هذه التي يأكلون بها منهكة للغايه
فهو يريد ان يأكل ملو فمه
ويبلع سريعا كما اعتاد ان يفعل حين يأكل
فلا طاقة له للتمعن في الطعام واكل القليل ومضغه بطيئا وخصوصا مع هذا الطعام الجميل والاكله المحببه اليه
وقطع تفكير حمزه هذا السيدة كريمه وهي تهمس بصوت مسموع زمان اللي ميتسماش قالب علينا الدنيا دلوقتي
تركت ود الملعقه من يدها ونظرت امامها بشرود قطعه الطبيب حمزه وهو يرد على كريمه
يقلب براحته انتوا مش بتقولوا انه ميعرفش حاجه عن الشقه دى
يبقي خلاص مفيش خوف
اهم حاجه انكم متتواصلوش الفتره دي مع اى حد تعرفوه ويكون معرفه مشتركه مع حسام
او يشك انه يكون ممكن يعرف عنكم حاجه ويراقبه ويقدر يوصلكم بسهوله من خلاله
كريمه لا يابني احنا لا هنكلم حد ولا عايزين حد يعرفلنا طريق احنا ماصدقنا نفدنا بجلدنا
حمزه دى اسلم حاجه ليكم عالاقل فالفتره دي لغاية ماود تتحسن وتقدر ترتب افكارها وتشوف هتعمل ايه فاللى جاى وترجع بكامل قوتها عشان تقدر تحارب الناس دي
وياريت دا يكون فأسرع وقت اتمنى يعني
نظرت كريمه لود بحنو بالغ وربتت بيدها على كتفها واردفت بشفقه بنتي ود قوية وهتقدر ترجع زي الاول واحسن كمان هي شافت الاكتر من كده واتحملته
والحمد لله ان ربنا بيكشفلها الناس اللي حواليها والزمن بيغربلها اللمه الكدابه ويبعد عنها الطالح عشان ميفضلش معاها الا الصالح وبس
نظر الطبيب حمزه لود وحاول تغيير مجري الحديث ليعيدها من شرودها الى تناول الطعام مرة اخري وهو يردف
بس الاكل تحفه ياست كريمه تسلم ايدك انا بقالي كتير مأاكلتش اكل بيتي وكمان بالحلاوة دي
كريمه اولا ياريت بلاش ست كريمه دي بتحسسني انك بتعاملني برسميه اوي وانا بقيت بعتبرك ابني زي ود بنتي بالظبط فياريت تقولي اي حاجه غير ست حتي لو هتقولي كريمه حاف كده من غير القاب هتبقي منك جميله
وثانيا بالنسبه للأكل بقي ففين هو الطبيخ دا دى نواشف يبني حاجه كده عالسريع الاكل البيتي اللي بصحيح هادوقهولك من هنا ورايح وهنبتدي من اول بكره هعمل حبة محشي وملوخية بالارانب تاكل صوابعك وراهم
الطبيب حمزه اردف متحسرا بصراحه هو عرض مغري يستاهل ان الانسان يحارب عشانه
لكن للأسف انا مش هينفع استني بكره هنا عشان شغلى وكمان عشان محدش يشك اني ورا حاجه من اللي حصلت
فأنا مضطر آسفا اني اسيبكم على وعد اني هرجعلكم تاني قريب بس تهدا الاوضاع واتأكد ان الشك زال عني
كريمه بإمتنان معلش يابني روح لشغلك عشان مستقبلك مايضعش وانا اوعدك المره الجايه اللي هتجيلنا فيها هعملك وادوقك الحلو كله
تبسم الطبيب حمزه وهو يرد عليها تسلم ايدك مقدما ياست الكل لا بس البانيه جميل ومقرمش كده وتحسي فيه نكهه مختلفه وطعم جميل عن اي بانيه اكلته قبل كده ولا المكرونه يميييي
قالها وهو يأكل من كل شيئ بإستمتاع بالغ
وتبسمت كريمه وتبسم هو ايضا وهو ينظر بطرف عينه للتي اجدت معها حيلته نفعا وها هي تعاود امساك الملعقه وتعود لتناول الطعام من جديد لكي تكتشف اللذه التي يتحدث عنها الطبيب حمزه مع انها تناولت منه قبل قليل!
فمن الواضح انها تنساق
خلف اراء الناس بسهولة بالغه وترى الاشياء من خلال الغير وهذه صفة ليست جيده
وعاهد الطبيب نفسه انه سيعمل جاهدا على ان يغيرها فيها
ولكن فيما بعد ليس الان بالمره فالاهم هنا ان تتشافى من حالتها النفسيه وتأتي البقيه تباعا
شبع الجميع وقام الطبيب حمزه اولهم فجلس علي الاريكه واخرج هاتفه وقام بفتح غطائه الخلفي
واخرج منه شريحة هاتف من اثنتين كانتا فيه وقام بإغلاق الهاتف مرة اخري ونظر الي كريمه قائلا
خالتي هاتي تليفونك اركبلك فيه الشريحه دي عشان اعرف اتواصل معاكم بعد مااسافر
كريمه تبسمت حين سمعته يناديها بخالتي واقتربت منه بعد ان حملت حقيبتها من فوق المنضدة وهى فى طريقها اليه ثم جلست بجانبه واخرجت
هاتف ود ومدته له
فقال الطبيب حمزه معترضا
لا دا مش هينفع لانه حديث وسهل جدا تتبعه من خلال الارقام الموجوده عالعلبه بتاعة العده هاتي تليفونك انتي عشان عده نوكيا قديمه وصعب تتبعها
اومأت له كريمه برأسها قبولا واخرجت هاتفها بعد ان اعادت هاتف ود للحقيبة مرة اخرى ومدته اليه واردفت پخوف
خد يابني ولو هيعرف طريقنا من تليفون ود خده ارميه وانت ماشي فأي مكان بعيد عن هنا
حمزه لا مفيش داعي انا فصلت عنه البطاريه يعني بقي عباره عن حتتة حديده ملهاش لزمه اطمني
كريمه طمنتني ربنا يطمن قلبك ياحبيبي يارب
قام الطبيب حمزه بوضع الشريحه في الهاتف
واتصل بها علي رقمه الآخر وسجله لهم بإسمه ثم اعاد الهاتف للسيدة كريمه وتلفت حوله كمن يبحث عن شيئ ما وفهمته كريمه وقالت له
رجعت الاوضه بتاعتها وانت بتعمل فالتليفون
حمزه خالتي مش هوصيكي متسيبيهاش لوحدها كتير عشان نزعة الاڼتحار لسه موجوده جواها
هي متخلصتش من احساسها بالظلم لغاية دلوقتي وممكن فأي لحظه عقلها يسولها ان حسام قريب عليها او هيوصلها تقوم تنهى حياتها من الخۏف منه ومن اللي هيعمله فيها
كريمه لا يابني ازاي اسيبها بس وهو انا معايا ايه غيرها انا هفضل طول الوقت جنبها وعيني عليها
حمزه وخبي منها اي آله حاده او اداه تقدر ټأذي بيها نفسها وخلي دايما محيطها خالي من الحاجات دى
كريمه حاضر
حمزه طيب انا هدخل اعمل فنجان قهوة اعملك معايا
كريمه لأ والله ابدا ماتعمل انت انا اللي هعملك ياحبيبي وهشربك احلي فنجان قهوة من ايد خالتك كريمه
حمزه تسلم ايدك ياخالتي طيب ابقي اعملي فنجان لود معاكي بالمره
كريمه بس ود ملهاش في القهوة اد كده مبتحبهاش بتشرب عصير بعد الاكل
حمزه لأ بدات تحبها بس اعمليلها انتي فنجان عشان هحاول اتكلم معاها قبل مااسافر ربما ترضي تتكلم
عايز اعرف باقي الحكايه عن طريقها هي وبلسانها هي عشان احدد هدخلها ازاي
كريمه طيب يابني حاضر
قالتها ونهضت في الحال وذهبت الي المطبخ لإعداد القهوة اما الطبيب حمزة فنهض هو الآخر وتوجه الى غرفة ود متمنيا ان يجدها لازالت صاحية لم تنم
ولم تهرب إلى عالمها الخاص وتعود لتسكن منزل احزانها من جديد
ويال فرحة قلبه حين طرق الباب طرقتين وفي الثالثه جائه صوتها الساحر مجيب
ادخل
فدلف حمزه متلهفا ووجدها جالسة فوق السرير تقلب فى بعض الاوراق امامها بإهتمام وعلم انها الأن بدأت تستعيد توازنها ماإن احست بقليل من الامان
وانها الآن على اتم الاستعداد للتحدث وكم سيسعد حمزه بمعرفة باقي القصه من بطلة القصة نفسها
يتبع
انثى بمذاق القهوة
البارت ال
جلس الطبيب حمزه مقابل ود وكانت غارقة وسط كومة من الاوراق تقلب بهم وبجوارها حقيبة سوداء مربعة صغيره مفتوحه بداخلها المزيد من الاوراق
اردف الطبيب حمزه بهدوء تحبي اساعدك لو بتدوري على حاجه معينه
ردت عليه ود وهي لازالت منغمسة فيما تفعله بدور علي اوراق الاسهم اللي فالبنك والسندات وعقود الشركة والفيلا والعربية كلهم هنا
والفيزا كارد بتاعتي اللي هنا واللي شايله فيها اغلب فلوسي وحسام ميعرفش عنها حاجه وفاكر ان اللي معايه فالفيلا والفلوس اللي فيها هما كل اللي معايا
حمزه طيب وهتعملي ايه بالفيزا دلوقتي
ود هحول كل اللي فيها لحساب ماما كريمه حسام هيلاقيني وهيموتني يادكتور مش هايسيبني وخصوصا بعد ماأثبت للعالم اني مجنونه وبكده يقدر ياخد كل حاجه بسهوله جدا
ولو داحصل هيورث كل فلوسي واملاكي ودا لا يمكن اسمح بيه
عشان كده انا هكتب كل حاجه بإسم ماما كريمه عشان لو انا مت هي متتبهدلش من بعدي وابقي اديت تعبي وشقايا للي يستحقه
حمزه ود حسام مش هيقدر يوصلك او يأذيكي انتي هنا فأمان منه
ود انت متعرفش حسام يادكتور يقدر علي ايه فمتقولش ميقدرش
حسام هيوصلي وهيرجع يعمل فيا اللي كان بيعمله هو واهله مره تانيه او هيرجعني الفيلا اللي المۏت اهون من رجوعي ليها الف مرة
متابعة القراءة
