امرأه العقاپ بقلم ندي محمود

ظهر الأريكة مغمضا عيناه لم تكن علامات التعب أو الإرهاق بادية على وجهه بل أخرى كلها ڠضب وحنق ويحدق في السقف بفراغ كالذي ارهقه التفكير فلم يعد يعرف بماذا يفكر أكثر ! 
صوت في ثناياها ألح عليها أن تقبل عليه وتسأله مالذي به لكنها قټلت ذلك الصوت وفضلت التجاهل وكانت على وشك أن تستدير وتعود لغرفتها لكن همسته القوية باسمها أوقفتها بأرضها 
جلنار 
ظلت مكانها لا تلتفت له ولا تجيب عليه فقط تنتظر منه أن يستكمل جملته فخرج صوته مستكملا 
تعالى عايز اتكلم معاكي شوية 
ردت ببرود وعدم اكتراث 
أنا تعبانة وعايزة انام تصبح على خير 
أنهت جملتها وتحركت
نحو غرفتها بينما هو فاستشاط غيظا وبلحظة هب ثائرا من مكانه واندفع خلفها كالۏحش جذبها من ذراعها إليه قبل أن تخطو قدماها الغرفة أصدرت شهقة مڤزوعة ووجدت نفسها تستدير إليه وتصطدم بصدره بفعل جذبته العڼيفة وخرج صوته متحشرجا في عينان ملتهبة 
خدي هنا أنا بكلم نفسي 
لکمته في صدره بشراسة الأنثى الناعمة وصاحت به مغتاظة وهي تحاول الإفلات من بين براثينه 
عايز إيه ابعد عني ! 
عدنان بصيحة رجولية 
إنتي اللي عايزة إيه بظبط فهميني ! 
جلنار بتحد وعصبية 
إنت عارف أنا عايزة إيه كويس 
لحظة عابرة ممن الصمت مرت حتى استكمل صياحه المرتفع بها منفعلا 
وأنا قولتلك مليون مرة انسى الطلاق ده نهائي 
اردفت جازة على أسنانها بغيظ في خفوت 
وطي صوتك البنت نايمة 
انتقل بنظره إلى باب غرفة ابنته ثم جذبها من ذراعها خلفه ودفعها لداخل الغرفة ثم دخل هو واغلق الباب فصړخت به بسخط عارم 
إنت مش طبيعي والله 
بالعكس أنا لغاية دلوقتي طبيعي وهاديء أوي معاكي كمان بس شكلك
مش هتخليني استمر في الهدوء ده كتير
اندفعت نحوه ثائرة حتى وقفت أمامه مباشرة شبه ملتصقة به وغمغمت في غل 
أعمل ما بدالك ياعدنان وبرضوا هطلق طالت أو قصرت هتطلقني ڠصب عنك 
ضحك بازدراء منها فاستكملت هي 
بعدين مش احنا كنا متفقين إننا هنطلق 
ده كان قبل ما تاخدي بنتي وتهربي بيها 
وفرق إيه دلوقتي 
انحنى عليها يهمس أمام وجهها تماما في نبرة مثلجة 
مفرقش حاجة بس أنا غيرت رأى ومش هطلق
تلألأت العبارات في عيناها بحړقة وألم من بطش وقسۏة ذلك الظالم لوهلة احست بضعفها أمامه وأن لا يسعها شيء سوى استخدام قواها الضعيفة مقارنة بقوته الجسمانية الضخمة فغارت عليه تلكمه في صدره بشراسة صائحة به في صوت مبحوح وعينان تلمع بالعبارات 
إنت واحد حقېر ومتستهلش إيه حاجة في يوم عملتها عشانك عايز كل حاجة تكون ليك وحدك متملك ومغرور ومش بتتقبل أخطائك إنت أناني ياعدنان بتحب فريدة وفي نفس الوقت عايز جلنار تكون معاك مفكرتش في مرة إيه احساس فريدة أو احساسي أنا عارف ليه عشان إنت مبتفكرش غير في نفسك مش معنى إنها وافقت على إنك تتجوز عليها وإنت فهمتها قد إيه بتحبها يبقى خلاص هي تقبلت الفكرة بصدر رحب لا يمكن يكون في ست تتقبل فكرة إن جوزها يتجوز عليها وأنا رغم إني مش بحبك بس فكرة إني على الرف صدقني احساس الست إنها في خانة الاحتياط
بيوجع أووووي وأنا استحملت الاحساس ده كتير ومش هقدر استحمل اكتر من كدا
استهدفت بكلماتها الهدف لم تخطأ في حرف واحد لكن أخطأت في الوصف بقدر جفاء وحدة الكلمات بقدر ما وصلت لأعمق نقطة من قلبه خرجت هذه الخناجر من فمها بالوقت الخطأ في وقتا كان يحاول هو لملمة شتات نفسه المبعثرة بعد الوساوس التي تنهش عقله نهشا منذ مساء الأمس وهو يفكر بأفعال زوجته المريبة
محاولا إسكات الصوت الوحيد الذي يتردد في ذهنه منذ إيام ويرفض حتى مجرد التفكير في فكرة لعينة كهذه جاءت زهرته وواجهته بحقيقته التي يحاول التغافل عنها وزادت من سوء الوضع لكن حتما أن أنانيته تضمر خلفها أحد الأسباب الحقيقية الذي يرغب باحتفاظه بها لنفسه 
تنهد الصعداء بعبث وغمغم أخيرا بنظرة تائهة يؤكد لها تصورها عنه 
عندك حق ولو تمسكي ببنتي ومراتي بالنسبة ليكي أنانية فأنا معنديش مشكلة في كدا
تطلعت إليه بدهشة من اعترافه الصريح بتمسكه بها وأحست أن لسانها قيد فلم تتمكن من الرد عليه فقط تابعته وهو يبتعد عنها ويتجه إلى الحمام 
يمسك بيده كأس من الڤودكا ويرفعه لفمه فيبتلعه دفعة واحدة ويعود ويملأ الكأس من جديد على الجهة المقابلة له يجلس أحد أصدقائه أمامه يتابعه بعيناه في سكون حتى خرج صوته أخيرا بحنق 
ما كفاية يانادر شرب بقى 
قهقه الآخر بصوت مرتفع وتمتم 
أنا النهاردة في أسعد أيام حياتي الصفقة اللي ليه سنين ابن الشافعي شغال عليها كل يومين وتكون ليا أنا ووقتها هقف اتفرج عليه وهو مقهور على الملايين اللي خسرها 
وإنت واثق في فريدة أوي للدرجة اللي تخليك مطمن إنها متقولش لعدنان حاجة عنك 
ضحك نادرا ساخرا وأجابت بثقة تامة 
مين فريدة !! إنت عبيط يالا تقوله إيه هتقوله إن أنا اللي سړقت الملفات ولا إن هي اللي ساعدتني وادتني مفتاح المكتب ولا بقى هتقوله ! متقلقش من فريدة 
هتف صديقه بابتسامة ساخرة 
والله شكلها هي اللي هتجيب اجلك 
تجاهل نادر جملته وهتف بجدية 
قولي عملت إيه مع الرجالة واللي اتفقنا عليه 
رد في هدوء مبتسما بشړ 
يومين بالظبط وتسمع الأخبار 
لاحت ابتسامة جانبية شيطانية على ثغره وهو يلتقط كأس آخر من الڤودكا ويرد بمكر 
وأنا مستني
في بصباح اليوم التالي 
ترجلا من سيارة أجرة أمام مقر المعرض ونزلت سهيلة أولا ثم تبعتها مهرة التي بعد محاولات مرهقة وكثيرة من كل من صديقتها وجدتها وافقت على أن ترتدي بنطال ضيق من اللون الأسود يعلوه كنزة بيضاء قصيرة وفوقها بالطو من اللون الجملي طويل ورفعت شعرها لأعلى ذيل حصان وارتدت حذاءها الرياضي المعتاد 
نظرت لصديقتها أولا قبل أن تتطلع للمعرض وقالت بخنق 
يارب تكوني مبسوطة وأنا مش طايقة اللبس الملزق اللي عليا ده
كانت سهيلة ترتدي رداء طويل من اللون الوردي وتترك الحرية لشعرها وعيناها معلقة على بوابة المعرض من الخارج تتأمل منظره الفخم وقالت تجيب على مهرة بقرف 
ده جزاتنا
أننا عايزين نخليكي بنت إنتي مش شايفة العربيات والأشكال النضيفة اللي داخلة وخارجة دي لازم ناجي متشيكين يابت
مهرة بتأفف 
معلش احنا اللي
أشكال ژبالة اخلصي بقى خلينا نخلص من أم الطلعة المنيلة دي
تحركا باتجاه الباب لكن الحارس اوقفهم يمنع دخولهم قبل رؤية التذاكر الخاصة فأخرجت سهيلة من حقيبتها الكلاسيكية التذاكر ومدتها إلى الحارس الذي التقطها وحدق بالتذاكر ثم بهم لثواني يتحفص هيئتهم التي تختلف عن جميع زوار المعرض اللذين من الطبقة المخملية لكنه أفسح لهم الطريق للعبور وبمجرد عبورهم قبضت مهرة على ذراع سهيلة وقالت بغيظ من نظرات الرجل لهم 
إنتي جبتي التذاكر دي منين يابت مشوفتيش الحارس بيبصلنا إزاي 
سهيلة بعدم مبالاة 
ما يبص براحته خليكي فريش يامهرة احنا جايين نتفرج بعدين عيب تسأليني سؤال زي دي صحبتك مش سهلة برضوا
لم تتجادل معها كثيرا فهي ليست في مزاج للنقاش سترافقها فقط وتستمتع كما قالت ثم تعود لمنزلها 
بمجرد دخولهم إلى ساحة المعرض دارت سهيلة بنظرها في جميع الزوايا الممتلئة باللوحات الفخمة والحوائط المطلية بطلاء بني فاتح لامع والأضواء تحيط

بكل جزء في المكان وبجانب كل لوحة مصباح داخل الحائط يعكس الضوء على اللوحة فيظهر جمالها وتفاصيلها أكثر 
بينما مهرة فكانت نظراتها معلقة على الزوار أناس من عالم آخر تماما كالذي يشاهدونهم بالأفلام والمسلسلات الرجال يرتدون حلل سوداء ويتجولون في أرجاء المكان يتفحصون اللوحات نساء مرتدية ملابس تكشف أكثر ما تستر وأحذية الكعب التي في قدم كل امرأة تصدر أصوات مزعجة 
خرج صوتها ساخرا متمتمة 
هو ده افتتاح معرض ولا مصيف !
على الجانب الآخر كان آدم يتجول بين كل الزبائن ويتحدث مع هذا دقيقة ومع ذاك أثنين في وجه بشوش بينما عدنان فكان يقف مع
أحد رجال الأعمال المهمين أمام إحدى اللوحات التي نالت إعجابه وعزم على شرائها ويتحدث معه بقليل من الرسمية حول أمور متنوعة تخص العمل والمعرض واللوحات 
بإعجاب ملحوظ 
أما صغيرتها فكانت ترتدي فستان يشبه امها قليلا لكن اللمسة الطفولية اضفت عليه شكلا مختلفا أكثر رقة ظلت واقفة بجوار أمها تبحث بنظرها عن عمها وأبيها فلمحها آدم أولا اتسعت ابتسامته لنهاية شفتيها واتجه إليها مسرعا لتقبل هي عليه ركضا 
آدم محدثا أياها في مشاكسة 
اتأخرتي يا هنون عليا وكدا المفاجأة قيمتها هتقل
زمت الصغيرة شفتيها بعبوس وقالت وهي تشير إلى أمها بحنق 
دي ماما مش أنا اللي اتأخرت 
قهقهت جلنار عالية بينما هو فنظر لزوجة أخيه وقال بعذوبة 
عاملة إيه ياجلنار 
جلنار بمداعبة ونظرة سعيدة 
عايز الحقيقة فرحنالك بشكل لا يوصف مبروووك وعقبال نجاح كتير أوي جاي أن شاء الله يافنان 
ضحك آدم والټفت برأسه حوله في شيء من الخۏف المزيف وهتف مشاكسا 
مجهزلك مفاجأة بمناسبة الافتتاح بس من غير ما يحس عدنان تاخديها وعلى البيت عدل عشان ده مچنون وممكن يتخانق معايا أنا 
غمزت له ضاحكة وتمتمت بمرح وحماس 
متقلقش اطلع إنت بس بالمفاجأة وملكش دعوة بالباقي
كانت نظرات أسمهان وفريدة معلقة على جلنار ونظراتهم الحاړقة لو كان بإمكانها إخراج الڼار لحړقت جلنار بأرضها تتابع أسمهان ضحكاتها وتبادلها أطراف الحديث مع ابنها بعفوية وتلقائية وهي تشتعل غيظا بينما الآخرى فكانت تحدجها بأعين كلها وعيد ونقم 
أبعد عدنان نظره بتلقائية عن الرجل الذي يبادله أطراف الحديث ليقع نظره عليها التقطت عيناه فستانها الضيق
والمكشوف من الأعلى شعرها المنسدل بانسايبة جزء منه على ظهرها والجزء الآخر على كتفها عيون الجميع متعلقة عليها يأكلونها بنظراتهم أكلا 
أظلمت عيناه بشكل مخيف ونيران الغيرة تأججت في صدره كان سيندفع إليها كالثور الهائج لكنه تمالك أعصابه لعدم ملائمة المكان والوقت لما يود فعله بها الآن نظر إلى الرجل وقال بصوت محتدم 
استأذنك لحظة ياسامي بيه
هز رأسه الآخر بالموافقة وقال باحترام متبادل 
اتفضل أكيد
سار نحوها وعيناه لا ترى شيء سوى هدفه لدرجة أن من سيتطلع إليه ويرى وجهه سيصاب بالصدمة من مظهره المريب في تلك اللحظة انتهي آدم من حديثه معها وابتعد بهنا عنها قليلا 
التفتت هي برأسها في عفوية على الجانب فوجدته مندفع نحوها ووجهه يشع بشرارة الڠضب وقفت بثبات تام حتى وصل إليها وانحنى عليها يهمس في أذنها بصوت متحشرج محاولا تمالك أنفعالاته 
إيه اللي لبساه ده !
قد عزمت على ارتداء هذه الفستان عمدا حتى تشعله بالنيران كنوع من الكيد ردت عليه ببرود 
فستان ! 
عض على شفاه السفلى ونقل نظره في حركة سريعة بين الزوار
ثم هتف بغيظ مكتوم 
مش عايز استعباط إنتي لبستي ده بالعند فيا يعني رغم إني الصبح منبه عليكي إنك متطلعيش بلبس مكشوف
جلنار بابتسامة سمجة ومستفزة 
وأنا اعند معاك ليه ياروحي كل ما في الحكاية إني بحب الفستان ده وشكله حلو عليا عشان كدا لبسته ودي مش أي مناسبة فكان لازم البس اجمل حاجة 
كور قبضة يده يجاهد في التحكم بنفسه