اصرة العزايزه الفصل الثالث والرابع ل نهال مصطفي

أيه يا فردوس !! 
وصل هيثم للفندق الذي عرف اسمه من هارون والذي تقيم فيه ليلة ظل واقفا أمام البوابة بعد ما تأكد من وجودها بالداخل .. مرت قرابة الثلاث ساعات حتى دقت ساعة يده أعتاب العاشرة صباحا .. دلفت ليلة من الفندق بعد ما عملت إخلاء تام منه .. تجر حقيبة فشل حلمها ورائها وهي ترتدي نظارتها السوداء كي تخفي آثار كدمات الخزى من أعينها خرجت من البوابة فساعدها موظف الأمن في حمل الحقيبة مجرد ما لمحها هيثم اندفع إليها هاتفا بغزل 
اللي ربى شكله كان بتاع مربى عشان يجيب الحلاوة دي كلها .
دارت إليه مدافعة عن أبيها 
لا ياخفيف كان لواء ولو كان لسه عايش كان زمانه منيمك في الحجز . 
ثم نزعت نظارتها الشمسية بدهشة ساخرة 
هو أنت !!! 
تحرك أمامها بخفة وبتلك الضحكة التي لا تفارق ملامحه 
اتحجز ف حبك أنا راضي حتى أرميني في بير غويط و احدفي ورايا ديناميت تطلعلك روحي تقول لك أنا هنا يا عفريت.
خفة روحها المرحة لم تتحمل أن تكتم الضحك بوجهه اكتفت بابتسامة عريضة وقالت بسخرية وهي تخطو خطوة للأمام 
لا دا أنت روش بقا !! 
تابع خطاها مواصلا أسطوانات غزله 
لا أنا أعجبك أوي !! 
توقفت عن السير وسألته مستفسرة 
أنت هنا بتعمل أيه أصلا !
شغلوني حارس اللوكاندة الجديد عشان اخلي بالي من القمر .
لا ياشيخ ! أخوك ال باعتك 
رد بنفس النبرة الهائمة 
يكش ما أوعى أشوف جمالك تاني مايعرف إني هنا ! 
زفرت بإمتعاض 
وأنت هنا عشاني يعني ! 
انا هنا عشانك من ٥ الصبح .. طول الليل ماشفتش عيني النوم !
أبقى غفل شوية الضهر .
ردت بنبرة ساخرة وهي تحمل حقيبة يدها على كتفها مستعدة للرحيل ولكن لم تنكر ملامحها المبتسمة استمتاعها بفكاهة هيثم فأكملت 
وبعدين مش كفاية ال عملوا أخوك جاي تكمل المسيرة بتاعته !!
شد النظارة التى تلوح بها من يدها وعلقھا بداخل ياقته وقال بنبرة تحمل اعتذارا 
لا جاي أصلح ال هببه أخوي .. بيني وبينك انا سرسبت هارون وعرفت المشكلة .. وطلع غلطان من ساسه لراسه واللي يقول غير كده ميفهمش وأنا جاي اقدم لك اعتذار بصفة رسمية مني  وأقول لك تقبلي دعوتي على الغدا النهارده .
رفعت حاجبها مستهزئه وبصوت ساخر 
لا مش عايزة حاجة منك ولا من النصاب أخوك بتاع الكفتة . 
قولت لك وحياة العيون الحلوة دي مايعرف .. وبعدين مش ظلم ده تأخدي الطايع بذنب العاصي ليه !! دانا قاصد خير .. 
عندي سفر ولازم اتحرك دلوقت  .
أصر بإلحاح
مش هيحصل لحد ما نراضوكي .أنا جاي هنا بأمر من الست صفية بجلالة قدرها .
عضت على شفتها بنفاذ صبر وهي تسحب نظارها المعلقة بياقة سترته 
قلت لي اسمك ايه!
شد طرفي جاكيته بفظاظة 
محسوبك هيثم .
أنت وأخوك مش عايزة أشوف وشكم تاني يا هيثم.
رمت قذيفة جملتها وسارت بخطوات واسعة نحو سيارتها المصفوفة أمام الفندق تلقى الصدمة لبرهة من الزمن ولكنه لم ييأس لحق بها ركضا وهو يقفل باب السيارة الذي فتحته 
مش هتندمي دي صفية عليها شوية حمام محشي هيخلوا صحتك حديد . 
دارت له متأففة وقبل أن تنطق كلمة أسرع قائلا 
هلففك قنا شبر شبر وأفرجك عليها وصوري براحتك .. متأكد إنك هتحبيها خديني مرشدك السياحي هنا . 
ثم وشوش لها بحذر 
أنا عارف موضوع الصحافة والإعلان لو جيتي معاي هفضح لك العزايزة نفر نفر .. 
راقت لها الفكرة فاتسعت ابتسامتها تدريجيا عاقدة حاجبيها وبدون إداركها لسبب قبولها عرض هيثم ربما أحست أنها بحاجة لرؤية المدعي باسم هارون مرة ثانية ربما انساقت وراء فضولها وعروض هيثم المغرية فسألته باهتمام 
قولت لي صفية بتعمل حمام محشي جامد أوي يعني!! 
على الجهة الأخرى هناك أعين تتلصص النظر إليهما ما استقلت السيارة بجوار هيثم قابلة دعوته على الغداء أجرى العسكري التابع لشريف مكالمته معه وأخبره 
شريف بيه ليلة هانم خرجت من الفندق بس ركبت العربية مع هيثم العزايزي !
يتبع