اصرة العزايزه الفصل الثالث والرابع ل نهال مصطفي

عائلته فأتبعت مردفة بحب وهي تغازل وجنته بإبهامها 

مش للدرجة دي !! معايا هتعيش وبس هتعيش الحب بكل أشكاله يا هاشم .. بوعدك .

تحمحم متأهبا للقيادة 
طيب عشان الكلام الحلو ده يستاهل مفاجأة اللي محضرها .. اربطي الحزام . 

نفذت أوامره بدون إلحاح منها على معرفة المفاجأة التي بباله تركت نفسها مع ريح السعادة ليتركها أينما يشاء تنهدت بهدوء ثم قالت 
كنت خاېفة كلام فؤاد يقفل لنا اليوم وتكشر وتفضل تعاتب فيا و أنا السبب ! 

عقد حاجبيه متسائلا بجدية 
فؤاد مين !! 

زام ثغرها بدهشة لانكاره 
هاشم !! 

أطلق ضحكة ساخرة وهو يدير مقود سيارته وقال 
ولا تشغلي بالك ده عيل فاضي فرحان بفلوس أبوه .. المرة الجاية فكريني أرنه علقة نسى أبوه  يدهاله  .

ضحك ملء فمها 
أنت فظيع بجد !! بطل بقا .. ماشي تجر شكل مع خلق الله !!

رمقها فى غفلة منها وهي تطالع الطريق ف أجابها بشموخ 
اللي مش متربي نربيه أحنا يا رغود .. أومال أحنا هنا ليه ! 

ياجامد !! 
ثم مالت في جلستها جهته وهي ټغرق في كينونة حبها الثائر وقالت بملل 

هارون أخوك مش ناوي يفرجها علينا ويتجوز بقا .. عايز اتعرف عليهم يا هاشم هما أشقية كده زيك ! احكي لي عنهم .

ازداد وجهه بشاشة عند ذكر اسماء أخواته فقال بطلاقة 
هيثم ده الصايع بتاعنا  كل يوم جايب عروسة لصفية وعايز يتجوزها  .. وكل مرة يصمم ويحلف أنها حب عمره .. الناس تصحى تقول صباح الخير هو يصحي يقول عايز اتجوز .

ثم نظر لها مكملا بنبرة مشحونة بحبها 
فنان زيك يحب العزف والقصايد والغنى .. متأكد أنكم هتبقوا صحاب . 

كانت تستمع له بمتعة رهيبة فتبدلت نبرته مكملا حديثه عن أخوته 
هلال بقا عكسه تماما الشيخ بتاعنا .. في حاله مدرس لغة عربية في الأزهر وبالليل في الجامع بيحفظ قرآن.. مش بيضحك غير معانا وبس أول ما يشم ريحة بنت يتجنن ووشه يجيب ألوان .. هو وهيثم ناقر ونقير طول الوقت .. 

أشاحت بنظرها بفضول وقالت مهتمة 
طيب وهارون !! 

هارون ده حكاية .. جدع وضهر متين تتسندي عليه عمره ما يميل هو دخل كلية الحقوق وكان حلمه يبقى مستشار عسكري حلمنا كان نشتغلوا في مكان واحد في الجيش .. وعمل كده فعلا أربع سنين الأول على دفعته .. وخلص جيشه وقدم وعدى كل الاختبارات كان عاملها مفاجأة لأبوي عشان يفرحه ويقوله ولدك بقا مستشار .. وقتها أبويا مسكه كل شغل المحاجر والمصانع والأرض .. ولما النتيجة ظهرت والبلد كلها عرفت أن هارون اتقبل أبويا عاند معاه وكان فاكر أنه بيلوي دراعه لما قدم من وراه ولانه ولده الكبير لازم يمسك العمدية بعده ده القانون .

تعالت ملامح الشفقة على ملامحها 
يا حرام واستغنى عن حلمه بالسهولة دي !! 

من وقتها وهو زي التور اللي بيلف في ساقية اتقفل من الحياة واللي فيها بقى ېخاف يحب حاجة ويتعلق بيها تروح منه زي حلمه حس أنه مش من حقه يحلم  !! بقيت كل حياته شغل ومشاكل  . 

غمغمت بأسف 
حقيقي زعلت عليه أوي .. عشان كده بيعاقب كل اللي حواليه ومش عايز يتجوز !!

اللي عايز حاجه يا رغد يأخدها من حبابي عينين الدنيا ويستقتل عشانها حتى ولو ھيموت بعدها كفاية ېموت بشرف هارون اشترى رضا أبويا على حساب نفسه !! ولو على الجواز مفيش مفر هيروح فين من صفية مش هتسيبه . 

تبدلتها نبرتها متدللة 
طيب وهاشم !! احكي لي عنه !

دار مقود سيارته أقصى اليسار متجها لأحد الشواطئ وهو يصف عربيته بقرب البحر وقال بهدوء 
هاشم طماع ضحك على الدنيا ومد أيده في قلبها وغرف منها كل اللي يبسطه وبس .

مش بحبك من فراغ والله ..
تفقدت المكان حولها 
أحنا وقفنا هنا ليه !

مش نفسك في كامب !! هعملك أحلى كامب لوحدنا هنا  سما وبحر وقمر _قال كلمته الأخيرة قاصدا وجهها الجميل وهو يرسل لها تلك الغمزة المعتادة من طرف عينيه وأكمل _ أنا جبت كل حاجة شوفي كده لو في حاجة ناقصة ! 

دار نحو الباب وفتحته بدون سابق إنذار وهي تركض للجهة الأخرى من السيارة قبل أن تفتح بابه سبقها وقبل أن تلمس قدمه الثانية الرمل تحتهم كانت بين يديه بسعادة بالغة كمن لفح بعطور الجنة .. انفرطت مشاعرها أمامه وهي تعانقه بنيران اللوعة 

أنت أحلى حاجة حصلت لي في حياتي يا هاشم أنا خدت نصيبى الحلو كله من الدنيا فيك .

في السادسة صباحا .

فرغ هيثم من ارتداء ملابسه الإفرنجية بنطال باللون الأبيض ويعلوه جاكيت من الجينز الأزرق القاتم وتحته سترته بيضاء وحذاء رياضي باللون الأسود والأزرق معا صفف جدال شعره ونثر عطره المفضل مصفقا بحماس 
جيالك يا قشطة ! 

أخذ مفتاح سيارته وحافظة نقوده وغادر غرفته ركضا .. قطع درجات السلم بعجل وهو يستمع لصوت صفية التي تتحدث مع فردوس مفكرة في وليمة الغد وتجمع أولادها كل شهر 
١٠ أجواز حمام !! قليلين يا فردوس .. ده هارون مش بيقضيه جوزين لروحه .. خليهم ١٥ خلي الحبايب تاكل وتتهنى.. هاشم بيحب البط اتوصي بيه يا فردوس الواد شقيان وطالع عينه من وكل الجيش يا حبة عيني  !! ومتنسيش الرقاق عشان بيحبه .. وبلاش أرانب عشان هلال مش بيحب يشوفها على السفرة .

تدخل هيثم معترضا 
مسمعتش اسم هيثم يعني !! ولا أنا لقيط في البيت ده !! 

ردت بعدم اهتمام 
ابقى كل من الموجود خير ربنا كتير !!

يعني أنا اكل الموجود وهما يتعملوهم الوكل مخصوص !! ده في شرع مين ده !

دارت له صفية متناسية أمر الطعام وهي تتفقد ملابسه الجديدة 
أنت رايح فين من النجمة بالحلاوة دي ! 

شد طرفي جاكته بتفاخر
نازل البندر .. تعوزي حاجة !! 

هتعمل أيه في البندر يا هيثم !!

رد بإيجاز وهو يتأهب للذهاب 
لحقتي تنسي يا صفية !! هجيب لك القشطة زي ما اتفقنا إمبارح .

ثم لوح هاتفا بعجل 
سلام ياما وابقى افتكرينى الله يرضى عنك مش واقع من قعر القفة أنا !! 
ضړبت كف على الأخر واشتكت همها لفردوس 
ولاد خليفة هيجننوني يا فردوس .. كل واحد فيهم ماشي بدماغه ..
ثم تجولت عينيها بالمكان ودمدمت 
اسكتي مش هارون ريح قلبي ووافق اخطب له زينة !! يجي هاشم بس ونروح نخطبها من أبوها .. أوعى حد يعرف يا فردوس خليها في الستر لحد ما تتم ! 
هللت فردوس بحماقة  
يا ألف نهار أبيض يا ألف نهار مبروك الله أكبر ده طلع الحجاب سره باتع .
حجاب