اصرة العزايزه الفصل الثالث والرابع ل نهال مصطفي

لهلال 
باين أنك شيخ وتعرف ربنا .. لو سمحت احضرنا وأحكم بالحق عشان الجدع ده شكله أونطجي ..

زفر هارون بامتعاض 
كانت ليلة سودة يوم ما قابلتك يا شيخة .. 

ثم هتف مناديا كي تصمت 
أنت يا ست !!! 

تدخل هيثم معاتبا 
هما بيجوا للساكت ويكلموه ليه !! أنا ممكن أحكم عادي وبعرف أخذ وأدي في الحديت. .. 

خليك في حالك أنت .
زفرت پاختناق وهي تلوح له بكفها فجاء هارون وأبعد أخيه المائل نحوها وحدجه بنظرة تحذيرية حيث هتف قائلا 
ما خلصنا يا ست شوفي أيه يرضيكي وأنا أعمله وفضينا عاد !! 

نظرت له بحزم 
لما اتكلم مع فضيلة الشيخ تسكت خالص .. ولا عشان عارف بغلطك مش عايز تتفضح !! 

تحمحم هلال بإحراج وهو لم يرفع عينيه عن الأرض وقال
يا الله !! ربنا ما يجيب فضايح .. ما هو الأمر الذي فيه تستفتيان !! 

وبخه هيثم باهتمام وهو يدنو منها قائلا 
هو أخويا هارون عمل أيه !! 

صړخت ليلة بوجهه 
قلت خليك في حالك أنت ..كلامي مش معاك .

حدجه هلال كي يصمت ثم عادت أعينه متدلية بالأرض متحدثا بلهجتهم 
أخي هارون عمل لك أيه !

ثم عادت لهلال وأتبعت بغل
ال عاملينه عمدة ده طلع شخص مش محترم ومش أد ك ...

قاطعها هيثم مستفهما 
متهم تحرش!! ياريت ! ده خايب وميعملهاش! بس أنا أعملها عادي .

بكل ما أوتيت من نيران دارت نحو هيثم كي تضع له حدا 
مش أنا قلت لك خليك في حالك !! 

زفر هلال بنفاذ صبر أما عن هارون اتكئ على سيارته وأشعل سيجارته كي ينفث بها صوت ثرثرتها .. تفوه هلال بملل من عبث أخوته الذين اعتادوا على فعل تصرفات لا تروق له وقال بهدوء وعينيه لم تفارق تلك البؤرة التي صنعها حذائه  

بالعقل أخويا هارون عمل أيه لعل وعسى يكون فيه سوء تفاهم .

رمقته بغل فوجدته غارقا في سحب دخانه الذي أشعل المزيد من الڠضب بجوفها وقالت بيأس 
أخوك خرب بيتي يا عم الشيخ .

تدخل هيثم مندفعا بالحوار وهي يدنو منها 
يخربيت أبوه !! على طول كاسفنا .. 

فأتاها صوت هارون ساخرا من تصرفات هيثم التي تضحكه دوما وقال بفظاظة متعمدا إثارة ڠضبها 
طيب على فكرة أنت طلعتي زي القطط ال بتاكل وتنكر .. يعني نسيتي توصيلة إمبارح وكمان تصليح عربيتك ال مخدش حقه وواقفة تشتكيني زي العيال لأخواتي !

قطعه هيثم متفاخرا بشهامة أخيه 
ما هو الرجل صلح لك عربيتك أهو زعلانة من أيه بس !! 

ردت بإحباط إثر اتفاق الأخوة عليها وقالت بنبرة ساخرة 
والله !! أخوك ده كتر خيره صلح عربيتي وبوظ حياتي.

تدخل هنا العسكري الواقف جنبا يحمل حقيبتها 
يا استاذة الوقفة دي متصحش شريف بيه ممكن يجازيني فيها !! 

رمقته بنظرة توحي بقبول طلبه ثم تجاهلت الجميع ووقفت أمامه رافعة سبابتها بوجهه وهي تطرد الحروف من قاع ڠضبها منه 

اسمع يا هارون العزايزي أنت .. أنا مش عايزة أشوف وشك تاني عشان لو شوفتك مرة كمان صدقني هتزعل . 

أشاح بوجهها في استهانة ثم ظهر الإنشراح على أساريره فألقى السېجارة من يده ثم سحقها بمقدمة حذائه جاهرا وهو يطيل النظر بعينيها التي أعلنت عليه الحړب  
يلا بينا يا هيثم !!

تدخل هيثم معترضا 
يلا بينا على فين !! والله ما يحصل .. الست واقعة في مشكلة ومحدش هيحكم فيها غير الحج خليفة العزايزي والشيخ هلال !! ولا ايه !! 

ثم اقترب من ليلة خطوة إضافية 
أنت تركبي العربية معانا ونروح على البيت ونحلو خلافك مع كبيرنا !!  قولتي أيه ! يلا بينا على المندرة !!  وتاكدي حقك هيرجع تالت ومتلت فوقه ألف بوسة مني. 

عصفت بها سلسلة احاسيس متتابعة من الڠضب فاكتفت بنبرة ساخطة لا تختلف قليلا عن تلك التي طالعت هارون بها .. ودارت ظهرها ناظرة للعسكري 
يلا أنت كمان  .. 

جهر هيثم نادما 
طيب اسمك أيه على الفيس بوك ابعت لك طلب صداقة  !! 

يأس من ردها فدار على شماله وجد هارون استقل سيارته .. كاد هلال أن يركب مع أخيه فأوقفه 
أنت رايح فين يا هيلو .. خد كده مفاتيح عربيتي وحصلنا وانا هركب مع هارون ..

ثم أدخل رأسه من نافذة السيارة قائلا 
يا هرن تحكي لي قصة البت دي من طقطق لسلامو عليكو . 

لو قلت هرن دي تاني !! هدوسك بعربيتى وحل عن سمايا الليلة دي يا هيثم .

قفز هيثم بداخل سيارته 
وربنا ما هحلك غير لما أعرف ده أنا وزعت هلال عشان ناخدو راحتنا .


امرأة تنتمي لنسل الفراشات جمالها خفة روحها أن حلت بمكان زادته بهجة .. بألوانها الخلابة التي تلف الأنظار مثل رونق ملامحها المتميزة التي توحي بأنها من سلالة جميلات البدو .. جاءت رغد المتمسكة بمرفق هاشم بوجهها الضاحك مما جعل كل الأنظار تلتف إليها مرتدية فستانا باللون الأبيض طويل ذو أكمام طويلة بناء على رغبته وتعقد فوق رأسها وشاحا بالطريقة السيناوية ضمت ذراعه لصدرها وقالت بسعادة وهي تتفقد المكان الصحراوي المطل على البحر  
مش متخيلة إنك وافقت .. الله يا هاشم أنا ليا هنا ذكريات جميلة أوي بس تعرف كل ده ولا حاجة قصاد إننا سوا .. 


تحمحم بخفوت وهو يتهامس بأذنها ناصحا 
رغد تقعدي جمبي ومتتحركيش ومش عايز ضحك ومرقعة وتفضلي ساكته عشان صحابك دول كلهم شمال وأنا مش بالعهم .

توقفت معارضة على أعتاب الكامب 
والله طيب وال يكلمني بقا !! مردش عليه 

رد بحزم وهو يعض على شفته السفلية بتوعد 
مترديش عليه هرد أنا .. 

وقفت أمامه ورفعت أصابعها الأشبه بسلة رود وداعبت وجنته بضحكتها الساحرة كي تلطف الأجواء 
قلت حاضر فك التكشيرة دي بقا وبلاش العرق الصعيدي يطلع النهاردة عشان خاطري ..

فتاة مثلها معجونة بماء اللطف وطحين الحب محمرة الخدود عليها سبعون ألف رشة أنوثة .. استطاعت أن تلجم غضبه الثائر بهدوئها الذي ختمته بإعترافها 
بحبك على فكرة . 

اكتفى بطبع قبلة رقيقة على أطراف أناملها وقال موبخا 
مالها قعدة البيت مش فاهم !! أحنا كمان عندنا بحر على فكرة .. 

على الجهة الأخرى لكزت شاهندا فؤاد الجالس أمام البار يرتشف مشروبا من النبيذ وقالت بتخابث 

فؤاد شوف مين جاي علينا !

دار فؤاد بفضول لمعرفة هوية من انضم إليهما فوجدها رغد تلك الفتاة التي رفضت حبه بدل المرة عشرة .. حاول بشتى الطرق أن تكون له رغم ثرائه الفاحش إلا أنه لا يمكنه إغوائها .. تبدلت ملامحه بامتعاض 
وكمان جايباه وجايه بيه هنا !! صحبتك جاية تغيظني يا هانم .