اصرة العزايزه الفصل الثالث والرابع ل نهال مصطفي

كانت تقطع الأرض بخطى عسكري .. خطوات ثابتة واسعة وبوجه متصلب التعابير زفرت پاختناق شديد وهي تقف مستندة على ظهر المقعد المذهب 

والله !! وكمان جاي تبلف أمي بكلمتين يا ضيا .. قولت لك ال عندي وفضها سيرة . 

وبعدهالك يا بت بطني !!
حدجتها أمها كي تتوقف عن تلك الأفعال الطفولية التي لا تليق بابنة خليفة العزايزي وقالت وهي تتأهب مغادرة 
هعملكم حاجة تشربوها .

وقفتها هيام مصرة على رأيها
خليه يطلقني ياما وأحنا على البر .. قبل ما تبقوا حكمتوا علي بالمؤبد .. أنا مش عايزاه..

ما أنت بس لو تقوليلي عمل أيه !! لكنك ساكتة والراجل ولد أصول وشاري .

تدخل ضيا بحوارهم بأسلوبه الثعباني 
ورب المعبود شاري .. 

هتفت صفية بنفاذ صبر 
أنا هسيبكم تخبطوا في بعض بس عايزة أرجع ألقاكم اتصالحتوا .. عدوا ليلتكم يا ولاد واخزوا الشيطان  ..

انتظرت حتى غادرت أمها فرمقته بتحد ولم تتراجع عن موقفها 
طلقني يا ضيا .. 

شبح ابتسامة خاڤتة رسم على محياه إثر إصراره على كتب الكتاب قبل ستة أشهر كي يضمن بقاءها كي يحافظ على طعم أهدافه المضللة 
شكلك نسيتي العادات !! 

ثم داهمها بمكر أعينه اللامعة وأكمل
معندناش طلاق يابت الحج خليفة جوازاتنا جوازة نصارى يا قلب ضيا . 

وبخته بتمرد على حديثه 
يعني أيه !! أنت عتقول أيه أصلا ! 

زفر ثاني أكسيد كيده وقال متخابثا 
شكل العلام لحس مخك ونساكي تقاليعنا .. 

لا أنا عارفة عاداتنا يا ضيا أنا لساتني مرتك على ورق وبس يعني من حقك تطلقني في أي وقت !!

وفي نفس اللحظة تحولت نبرته الدنيئة محاولا لمس كتفها فأبت قطعا 
ضيا متقربش مني  !! 

وحشتيني وخلاص حقك عليا وحياتك ما هتتكرر تاني آخر مرة .

تأرجحت عينيها بالمكان كي تتأكد من خلاءه دنت منه خطوتين وهي تخرج الحروف من وراء فكيها المنطبقين مشيرة بسبابتها بنبرة منخفضة  
دي مش أول مرة يا ضيا تغلط في هارون أخويا ودايما حاطط راسك براسه ومش أول مرة تهلفط في الكلام عن أخواتي .. أخواتي دول ال لو شموا خبر عن السواد اللي جواك ناحيتهم صدقيني مش هتشوف نهار . 


مضغ شفته السفلية بغل وهو يكبح غضبه عنها 
وه ! متخنيش رأسك دول مكانوش كلمتين .. عديها المرة دي ومش هتتكرر تعالي نتكلموا في فرحنا .. 

ثم غير نبرتها لتلك النبرة المتحمسة
يابت خلاص جيه اليوم اللي حلمنا بيه وهيتقفل علينا باب واحد !! فكي التكشيرة دي بزياداكي نكد . 

ثم دنى منها أكثر وهو يمسح علو وجنتها بمكر مخادع 
أنت عارفة إني رايدك  ومقدرش أستغنى عنك .. أنت حبيبة القلب يا بت طيب افتكري لي حاجة زينة تشفع لي .. 

ثم تمطق كأنه يستعيد مذاق الماضي 
طيب حتى افتكري اترفضت كام مرة لحد أبوكي ما زهق مني ووافق !! 

نجح في رسم الضحكة على وجهها الشاحب المتنبئ بمصيرها المنتظر تجاهلت صوت إحساسها وعقلها وأتبعت هوى كلماته المعسولة التي دوما ما يذوبها بمحلول خبثه ويحقنه بوريدها .. ما أن رأي ضحكتها ألتوى ثغر الصعلوك بابتسامة الظفر وقال 

أيوة كده .. عليا النعمة بدر منور في سماه ..ومش كل عركة تقولي طلقني ومش هتجوزك يا ضيا .. 

ثم جهر معلنا 
بدل الشاي خليه شربات يا أم هارون .. 

دا أنا وشي حلو على كده !! 
فأتاهم صوت نجاة العزايزي التي دخلت من الباب وبيدها طفل ذو الثمانية أعوام في ثوبها الأسود الطويل وحجابها الذي يسطع بياض وصفاء بشرتها والوجه البشوش الذي يضخ زهور الحياة من ثنايا ملامحها ..هذه الفتاة التي تزوجت قسرا بعمر العشرين عام من رجل لا تريده ولم يكن لديها أي رغبة فيه وباليوم التالي من كونها أصبحت أم لطفل  توفى عنها زوجها إثر حاډث أليم  وتركها أرملة وهي بعامها الواحد والعشرين تعول طفل لوحدها .. 

ما أن رأتها هيام ركضت لعندها لترحب بمجيئها وهي تعانقها بلهفة 
نجاة !! أيه الغيبة دي تعالى تعالى .. أقول لك أيه أنت بايته معانا الليلة أنا مش هعتقك .. 

ثم تنهدت بوجهها معبرة عن مدة اشتياقها لابنة عمها 
وحشتيني قوي يا نجاة .


وصلت ليلة لغرفتها بالفندق وهي تتحدث مع أصدقائها بواسطة الفيديو كول انتعلت حذاء قدمها بعشوائية على باب الغرفة وهي تروي لهم تفاصيل مصائبها الاعتيادية التي لا تفارق حياتها .. ثم زفرت وهي تلقي الحقيبة من يدها  

بس هارون ده طلع ندل بصحيح مع إنه يبان عليه مرجلة وابن بلد .

ما كادت أن تخطو خطوة فتعرقلت بحذائها الأخر الذي رمته بفوضوية قبل أن تغادر الغرفة صړخة أخرى اندلعت من جوفها مصحوبة بضحكة ساخرة 
كل ما أجيب سيرة الجدع ده بتحصل لي مصېبة .. اسمه فاتح شهية للمصايب .

اندلع صوت ضحك كل من جوري وفدوة فتدخلت الأخيرة بفضول 
لي لي أنا عندي فضول أشوف صورته  من كلامك عنه بحاول اتخيل شكله مش عارفة .

تحمست جوري للفكرة 
وانا كمان لي لي اتصرفي و ابعتي صورته بجد ..شوفي له أكونت اخبار على جوجل .. 

مال ثغرها ناحية اليسار بيأس 
مش معايا صورته للاسف كنا حفلنا عليه بضمير .. 

اتكأت فدوة على وسادتها وقالت بلهفة فتيات عندما يذكر اسم رجل أمامهم تحاصره التساؤلات
طيب هو عامل ازاي ! أوصفي لنا شكله . 

نزعت ليلة جاكتها القصير بعد ما رمت الهاتف على الفراش ثم قفزت بخفة بمكان نومها بتلك الغرفة التي قلبتها رأسا على عقب شبح ابتسامة ساحرة رسم على محياها وبرقت عينيها رغم ڠضبها الشديد منه وشرعت في وصف ذلك النمر البري على حسب وصفها كانت نبرة الدلال والغنج تحتل صوتها  

هو طويل أظن فوق ال١٨٠سم بشوية .. مش أبيض ومش أسمر حاجة في النص ما بينهم .. ملامحه حادة وتخض عنده شنب و دقن خفيفة خالص وفي غمازة في خده الشمال عنده چرح صغير تحت حاجبه اليمين .. المرتين ال شوفته فيهم كان لابس جلابية صعيدي مش بتكرمش خالص على طول مكوية واستريت كده ريحة البرفيوم بتاعه لذيذ بس مش عارفة نوعه .. وبس. 

وبس !! كل ده من مرتين وكانوا بالليل !! 
صاحت جوري متحمسة أكثر للتعرف على تلك الشخصية التي جنت عقل رفيقتها بيوم واحد 
أوووه المهم !!  handsome!! مش كده . 

ألقت ليلة بسلة المهملات المجاورة لها بعض الأوراق ورمت معهما ڠضبها الثائر من ذلك الرجل الذي هدم الحاضر والمستقبل فوق رأسه وقالت بلمعة النجوم بعينيها وهي تقضم شفتيها بخفة بوصف عبثي يعكس تهورها 

بصراحة هو جان منكرش لون غريب ولذيذ عن اللي بنشوفه عندنا مش باد بوي بس