اصرة العزايزه الفصل الثالث والرابع ل نهال مصطفي

اتسعت ابتسامة شاهندا وهي تطالع هاشم العزايزي ذو الوسامة الطاغية والملامح الحادة وعيناه الثابتة والواثقة .. بنيته القوية خطواته الهادئة ورأسه المرفوعة التي تحمل الغرور مال نحو رغد المتعلقة بذراعه كالطفلة وأشار لمكان هادئ 
هناك مفيش حد .. تعالي !

حدجته بتردد
طيب على الأقل نسلم !! 

رمقها بنبرة المدججة بالغيرة 
أنا قولت أيه !! 

وافقت على مضض
ال تشوفه يا هاشم .. تعالى . 

سار الثنائي كحمامتي سلام كل منهما يرتدي اللون الأبيض بسط مفرشا بالمكان المختص وجلسا يديران ظهرهما عن الجميع متأملين موج البحر .. تغلغلت يديها بذراعه ومالت على كتفه وهي تطالع نجوم السماء وكأنه تعلن صبابتها للموجودات الكونية لتشهد على حبها 

لقد وقعت في حب رجل جعلني اعيد النظر في أن العالم كله قد يباع لو كان ثمنه دقيقة بجواره 

ثم غمغمت بهدوء 
أخبار شغلك أيه !! 

رد بإيجاز كعادته عندما تسأله عن عمله
كله تمام ..

ثم غير مجرى الحديث وقال بإمتعاض 
هرجع من البلد الإجازة دي واخلص شړا البيت .. مش كل شوية يجي الأفندي ده ويخبط عايز الإيجار .

عقدت حاجبيها بإعتراض
هاشم سعر البيت كتير وأنا مش عايزة أكلفك نشوف شقة أو نروح عند ماما نعيش معاها !! أنت ليه مصمم على البيت ده !! 

مسح على رأسها وقال بحب 
مفيش حاجة تغلى عليك يا ست البنات .. 

طبعت وسام عشقها لذلك الرجل بقبلة طويلة على عضلات ذراعه التي أوشكت أن تفجر القميص وقالت له 
أنت أحلى حاجة حصلت لي !! تعرف مفيش قصة حب كاملة دي الحقيقة بس لما بقعد أفكر مع نفسي يا ترى أيه ال مش كامل في قصتنا مش بلقى جواب .. حبنا متفصل على مقاسنا بالملي !! يعني أنا عشت عمري كله رافضة الارتباط لاني متأكدة مش هلاقي الموصفات ال بحلم بيها في أيه حد .. 

ثم أسهب النظر بعيون التي لا ترى غيرها وأكملت 
معرفش وقابلتك أنت !!

قاطعها وهو يحوى كفها الصغير بداخل صدفة كفه الخشنة وتمتم بصوت خفيض منسجما معها مكملا غناء سيرة الحب لأم كلثوم حتى شاركته الكلمات على الفور 
وقابلتك أنت لقيتك بتغير كل حياتي معرفش أزاي حبيتك معرفش أزاي يا حياتي .. 

توقف عن الغناء ليستمتع بملامح عصفورته المغردة بسماء الحب والتي أكملت دندنة الكلمات بصوت لا يشاركه غيرهما 
من همسة حب لقيتني بحب وأدوب في الحب صبح وليل على بابه .. 

ذاب بحبها أكثر ف همس مقترحا  
ما تيجي نلم بعض !! 

عقدت حاجبيها متسائلة إثر مصطلحاته الصعيدية الغريبة عنها 
يعني أيه ! مش فاهمة !! 

وشوش لها بلهجته الصعيدية 
يعني نرجع بيتنا وألمك في حضڼي لحد ما يطلع علينا نهار .. 

رغد أنت هنا مش معقولة !! أيه المفاجأة دي ..
جاء صوت شاهندا من الخلف ليقطع صفو ضحكة رغد التي ملأت المكان بصحبة مجموعة من أصدقائهما المشتركين جلست شاهندا بدون إذن وتابعها مجموعة من الأشخاص شباب وفتيات معا مما أشعل نيران الغيرة بصدر هاشم التي ربتت عليه رغد بخفوت كي يهدأ ويعدي ليلتهم على خير.. حلقة منعقدة من الأشخاص شاركوا الثنائي مجلسهم .. فأكملت شاهندا التي لم تتزحزح عينيها عن هاشم 

القبطان هاشم خطڤك مننا  يا ديدي !! 

بادلتها بابتسامة مجاملة وتعمدت القرب من هاشم أكثر متجاهلة النظر لفؤاد الذي يحرقها بأنظاره 
سيادة الرائد خطڤني من العالم كله وبصراحة دي أجمل خطفه حصلت لي . 

تدخلت شاهندا بفضول متعمدة إثارة ڠضب فؤاد الذي يتجرع النبيذ بزجاجة عصير 
قوليلي مفيش بيبي في الطريق مش هبقى خالتو قريب ..

فتدخلت رحمة مكملة 
واو بجد !! رغد الشيمي ال كانت رافضة الجواز والأرتباط هتكون مامي وتربي أطفال كمان ! 

فأكملت علا 
أنتو متجوزين ليكم أد أيه يا رغود ..

تفوهت بثقل وهي تخشى تصرفات وردود فعل هاشم الغير متوقعة 
سنة وشهرين بالظبط .. وعقبال العمر كله وأحنا سوا .

اشتعلت الغيرة في صدور الفتيات اللاتي يحقدن عليها وعلى زواجها من شخص مثله ذو سيط كبير وشهرة بمرسى علم .. تدخل فؤاد متعمد جر إشكاله 
وأنت منين يا هاشم بيه سمعت إنك صعيدي .

تحمحم هاشم بخفوت وقال بإختناق 
من قنا .. 

هز فؤاد رأسه وعيناه يلتهب منها الحقد 
ليا معارف كتير في قنا قولت لي من عيلة مين في قنا !

رد بجمود 
ما قولتش .. ومش هقول لإنه ميهمكش يااا ..

عرفه بنفسه 
فؤاد العمري...اكيد سمعت عن العمري جروب .
مش بسمع أي حاجة  من صوت الړصاص ال بضربه طول اليوم .

ثم نظر لرغد المرتعشة بجانبه خوفا من تهوره 
يلا يا رغد !!

جملة هاشم الأخيرة أثارت ضحك الجميع مع نظرات الانبهار المنبعثة من مقلتي شاهندا إليه أحس فؤاد بالضيق فوثب قائما بملامحه المنكمشة وهو يبتعد عن مجلسهم بغل خاصة بعد ما قلل هاشم منه أمام الجميع .. وقف بعيدا وهو ېحرق بنظراته ذلك الرجل الذي سرق حبيبته منه ويراقبهما عند مغادرتهما للمكان فأجرى مكالمة تليفونية مع أحد معارفه قائلا بغل 

اسمعني في حتة ظابط هنا اسمه هاشم خليفة عايزك تجيب لي قراره .... 


يتبع
وصلوا الفصل ل ألف ڤوت يا حلوين 
وعايزة أشوف كومنتات جميلة زيكم كده



الآصرة الرابعة 

يبدو أن نزار كان متنبئا بمصېبة هارون عندما وصف سيدته قائلا 
قدر أنت بشكل إمراة .. 

ومن نسيج اللقاء الأول سطر القدر الحكاية ..
ومن تلك الليلة الغامضة التي فتحت أبوابها دعوة أم بنية مخلصة ماذا سيكون بعدها مصيره !! 
ستكون قدره الجميل !
أم 
قدره المعذب !! 

نهال_مصطفى . 


قدر أنت بشكل إمرأة 

ببيت خليفة العزايزي . 

أؤمريني يا عمتي !

أردف ضيا سؤاله بعد ما قبل رأس صفية وجلس بجوارها ناطقا بتنهيدة يخالطها الملل أمتدت أنظار صفية بعتب 

وبعدهالك يا ضيا !! مزعل هيام ليه ! أنا مش هخلص من مشاكلكم .

تلون بالحديث كعادته ليكسبها ككل مرة 
ال يزعل هيام ما يوعاها يا عمتي ! وبعدين دي هي اللي مزعلاني وأنا جاي اشتكي لك منها برن على محمولها ليل نهار ولا بتكلف خاطرها وتسمعني صوتها .

عادت مستفهمة 
يعني ما قولتش حاجة تزعلها !!

رد باندفاع يخالطه دهاء الذئاب 
يتقطع لساني قبل ما أقول كلمة تزعلها دي هتبقي مرتي وكرامتها من كرامتي ..

غلف عقل السيدة التي خلقت على الفطرة بكلمتين فقط تنفست بارتياح 
يكملك بعقلك يا حبيبي .. 

ثم لمحت هيام متدلية من أعلى فجهرت منادية 
وأهي هيام جات تعالي يابتي ..

وختمت حديثها وهي تميل على مسامعه ناصحة 
هقوم أعملكم حاجة تشربوها .. عايزة ارجع ألقى ضحكتها منورة وشها .