غيوم ومطر ل داليا الكومي الفصل الثاني عشر

...الماضى انتهى انا علقت الطلاق بس رغبه في اذلالك ...رغبه في التشفي فيكى لما تيجى لعندى تتمنى انى اطلقك واشوفك بتركعى ادامى وبتطلبي حريتك لكن الوقت اثبت انك منحوته من الصخر ...دميه مطاطيه ما فيهاش روح ... حتى حبيبك كنتى بتلعبي بيه وفي النهايه مبتفكريش غير في مصلحتك ...
رددت باڼهيار ... 
حبيبي ...حبيبي ... عمر انت اټجننت رسمى انت بتقول ايه ... 

حبيبك ..اللي انتى كنتى بتحبيه من قبل الجواز ولا ده كمان نسيتيه ومكنش مناسب لفخامتك ... 
كل ما استاطعت قوله ...
انت اكيد بتخرف او شارب حاجه حبيب ايه ...
حبيبك الدكتور اللي انت بتحبيه من قبل الجواز وشفتك بعينى قاعده معاه في كافيه وانتى لسه في عدتك ...قالت بعدم تصديق ...
عمر انت غلطان ..
من شدة غضبه دفعها پعنف حتى ارتطمت ساقيها بالفراش خلفها فهوت جالسة عليه من الالم ....قال بقرف ...
كذابه ..لكن خلاص معدش يهمنى حتى انى اعاقبك ...انتي بتدوري علي القسيمه وهتاخدى واحده....فريده انتى ...فريده 
صړخت ومنعته من اكمال ما كان سيقوله...
كفايه.. كفايه حرام عليك ..انا مش فاهمه أي حاجه ...انا معترفه انى غلطت في حقك كتير وهعيش علي امل انك تسامحنى في يوم من الايام لكن انت بتتهمنى بحاجات فظيعه ... 
كرر باستنكار ...
اسامحك ... اسامحك لا يا فريده اسف مقدرش اسامحك ..عارفه ليه ... هزت رأسها بالنفي ودموعها تتطاير مع كل هزه ...
ليه ... 
اجابها بصوت يقطر بالمرارة ...
عشان كنت بحبك يا فريده بطريقه ما تتوصفش ..علي نفس مقدار حبي ليكى كان كرهى ليكى يا فريده ...احسبيها انتى بقي وهتعرفي...
بكت بصمت ...انها السبب في تحول عمر من محب حنون لاكبر عدو ملىء بالمرارة ..
ةنظر اليها بسخريه وقال ...
زمان كانت الدموع غاليه عندك اوى لكن ملاحظ انك الايام دى بتستخدميها بوفره ... يمكن دموع التماسيح ... اجابته باكية ...
يمكن دموع الندم...
تنهد بحسرة وقال ... ندم ... هى اللي زيك عندها مشاعر عشان تعرف الندم ...
يا الله عمر لن يستمع اليها ابدا انها لا تجنى سوى اذلال نفسها ...نصيحة اسيل كانت سيئة هى خسرته مند زمن والكلام لن يفيدها بشىء ... اكتفت من خفض رأسها أرضا ...انها لديها كبريائها ويكفي انها حاولت لكن القدر له تدابيره الخاصة ...
قالت ...
انا حقيقي مش فاهمه انت بتقول ايه ... حاولت افهم وفشلت ..انا كنت غبيه زمان وانت دلوقتى اغبي منى ... قافل عقلك وقلبك ومبتسمعش غير صوتك بس ...ارجع الامارات عيش حياتك واتجوز وانسانى زى ما عملت لسنين ... 
هى استسلمت الآن قررت الانسحاب من حياته ...ستطلب الطلاق رسميا وستسافر لأبعد مكان حيث لن يتعرف عليها احد ...ربما هناك ستجمع الباقي من كرامتها وتعيش بسلام ...
تجاوزته في طريقها للخروج من الغرفة ... من منزل جدتها .. من كل عالمها القديم ... لكنها ما أن مرت بجواره حتى جذبها من ذراعها پعنف اوقف تقدمها 
قال پغضب ... 
عاوزه تتطلقي عشان تتجوزى عماد 
اجابته پألم ...
وانت دخلك ايه ... انا حره في حياتى
هددها پعنف ...
لا يا فريده مش هطلقك وهتجوز نوف وهعيش حياتى وانتى هتفضلي معلقه كده للابد ... عاوزه تطلقي عشان تتجوزى العريس المحترم... شايفاه مناسب .... 
انه يظلمها مجددا ...
الرجاله عندك وسيله عشان تنفذى احلامك مش كده لكن لا انا بقي هوقفك عند حدك...انتى محتاجه تتربي من اول