مرة واحده في العمر ل فاطمه الالفي

وقلبك الأبيض وبراءتك وجمالك وعنادك وكل ما فيكي أنا عاوز اتجوزك يا فيروزتي أنا وبس .
أطلقت العنان لدموعها وفرت راكضة من أمامه قبل أن تتفوه بكلمة فهي بموقف لا تحسد عليه وقف حائرا عاجزا عن فعل شيء لا يعلم بردة فعلها هذا هل تقبل به ام ترفضه وعندما فاق من صډمته حاول الالحاق بها فلم يجدها فقد كانت غادرة مبنى الشركة باكملها زفر بضيق وعاد إلى مكتبه يشعر بالحزن والتخبط لا يعلم هل تتقبله بحياتها كشريك الدرب أم انها سوف تنهي علاقتها به من الأساس وسوف تبتعد عنه وحتى العمل لا يجمعهم شيء آخر بعد مصارحته بكل مشاعره الدفينة تهاوى بجسده أعلى الاريكة الموضوعة داخل مكتبه ونزع رابطة عنقه بضيق فهو الآن يشعر بالاختناق ولكن نهض فجأة وكأن دلغه عقرب سام ليفيق من تلك المخيالات وقرر اللحاق بها فمن المؤكد بانها توجهت إلى منزلها قاد سيارته لكي يلحق بها ويطلب منها تفسيرا صريحا ..
قادت سيارتها بعيون باكية إلى حيث المجهول فقط كلماته تتردد داخل اذنيها وهي الآن بصراع قوي مع ذاتها فمن اين يعشقها كل هذا العشق وهي لم تشعر به حتى الآن لما كل تلك السنوات الضائعة في تفكيرنا الخاطئ لما تركها تنجذب لشقيقه الذي كان داىما ينهال عليها بكلمات من الإعجاب والغزل لما تركها لعبة بيد شقيقه لما ولما مئات التساؤلات التى تكاد تفقدها عقلها ..
وجدت نفسها وحيدة بمكان خالي من البشر ترجلت من السيارة لتقف بأعلى مرتفع جبل المقطم تنظر لتلك البنايات التي تبدو لها كالنمل .
وقفت تنظر حولها پضياع وتتذكر كل شيء حدث معها بتلك الفترة الماضية إلى أن توصلت لشيئا عليها فعله كفكفت دموعها واستمدت قواها وهي تنظر امامها بقوة فالان عليها أن تثأر لكرامتها الضائعة واتاها الحل الامثل لحياتها القادمة فسوف تصبح الملكة المتوجة بعائلة الصيرفي بعدما تتزوج من الابن الأكبر فسوف تحكم الجميع وتسترد كرامتها التي بعثرها نبيل عندما رفض حبها وتزوج من شقيقتها فسوف تلقنه درسا لن ينساه بعد ....
طرق باب منزلها عدة مرات ولم يستمع لأحد بالداخل علم بانها لم تأتي بعد فعاد ادراجه إلى حيث سيارته وقرر انتظارها ريثما تعود ليطمئن عليها ثم يرحل فهو الآن يشعر بالقلق بسبب حالتها التي رآها عليها قبل أن تغادر الشركة زفر بضيق وهو يضرب بقبضة أعلى عجلة القيادة ويترقب الطريق بلهفة تتوق عيناه لرؤيتها بخير فلم يكترث بعدد الساعات التي تمر عليه كالدهر ولم ييأس فظل على آمل لقاءها سالمة وهذا ما كان يشغل تفكيره ..
اغمض عيناه ثم فتحها باتساع عندما وحدها تصف سيارتها أسفل البناية وهمت بالترجل ترجل هو الأخير بخطوات اشبه بالركض صاح مناديا اياها قبل أن تدلف لمدخل البناية 
فيروزه 
توقفت مكانها ليدور حولها بقلق ثم استقر أمامها ينظر إليها بهدوء بعدما استرد انفاسه
أنتي كويسة قلقتيني عليكي .
اكتفت بايماءة بسيطة
تنفس بارتياح بعدما اطمئن قلبه لوجودها أمامه ثم سألها بهدوء 
كنتي فين 
اتمشيت شويا بالعربية 
هز رأسه بتفهم وهو ينظر حوله 
ايه رأيك بدال وقفتنا هنا اعزمك على الدمياطي
معلش مرة تانية أنا عايزه أقعد مع نفسي شويا 
انتابه القلق فحدثها بصوته الحاني كل ده عشان صرحتك بمشاعري على فكرة تقدري ترفضي الجواز من غير هروب وأنا هتفهم موقفك وكمان مكانك في الشركة هيفضل موجود الشغل هيمشي زي ما هو سوا قبلتي بيه او رفضتي 
هزت رأسها بالنفي 
أنا متفاجئة مش بهرب وخاېفة كلامك في الوقت ده يكون مجرد انقاظ لموقف مش اكتر 
انقاظ موقف ايه أنا بجد صادق معاكي في كل كلمه خرجت مني أنا قدها ومسئول عنها حقك طبعا تتفاجئ لأن عمري مالمحت ليكي عن مشاعري ولا اهتمامي وثقتي بيكي بس عشان ببساطة أنا نفسي كنت غافل عن مشاعري دي كنت دافنها جوايا مركز بس على شغلي وازاي يستمر اسم ابويا وكل اهتمامي كان بشغلي وباخويا يمكن لم نبيل اتجوز وبقى مسئول أنا حسيت أن دوري أنتهى في حياته وجى الوقت اللي أسس فيه حياتي أنا كمان لازم تعرفي أن مشاعري مش وليدة لحظة لا دي جوايا من زمان واوعدك هحافظ على الحب ده وهيكبر جوايا وهكونلك السند والامان ومش هتبقى وحيدة بعد انهارده ده لو في قبول من ناحيتك وقبلتي حياتك وحياتي تكون حياة واحدة وعلى الحلوة والمرة مع بعض 
ابتسمت بخجل وهمست برقة 
موافقة حياتنا نعيشها سوا طول العمر 
لم يصدق ما سمعه 
قولتي ايه ...اللي سمعته ده صح ولا أنا بتهيئلي 
هزت رأسها بالايجاب ثم فرت من أمامه تصعد إلى حيث شقتها وهو مازال متسمرا مكانه ينظر لطيفها بذهول ثم علت ضحكته وعاد إلى سيارته يقودها بسعادة غامرة لم يشعر بها من قبل ..
أثناء وجوده بالمؤتمر الصحفي فجر تيام مفاجاته وهو أنه يود ترشيحه لمجلس الشعب ليصبح حديث السوشيال ميديا فهو من أهم رجال الأعمال يعمل من أجل العامل البسيط سوف يقضي على نسبة البطالة ليصفق له الجميع بحراره بعدما اخبرهم بزيادة رواتب العاملين بمصانعه وانه يسعى لافتتاح مصنع اخر .
نجح في مخططاته وتوصل إلى هدفه وانتهى المؤتمر الصحفي باعجاب من الجميع والشهادة لذلك الرجل الناجح والمثابر بعمله واوهم الجميع بانه يعمل بكل جد وتعب من أجل عمال مصنعه وتحسين دخلهم المعيشي التقطت له عدة صور لينتشر خبر ترشيحه لعضوية مجلس الشعب بجميع الصحف والمواقع ..
عندما هاتفها عامر كعادته كل يوم ليطمئن عليها تفاجئ بقرار زواجها من نديم الصيرفي واخبرته بما حدث معها اليوم ليحدثها بانفعال 
انتي اټجننتي يا فيروز ازاي وافقتي على نديم مش ده يبقى أخو نبيل اللي كنتي بتحبيه 
اجابته بثبات 
اديك قولتها كنت وبعدين أصلا كان مجرد إعجاب ونبيل دلوقتي بكرهو عشان استغلني وجرحني وأنت عارف 
ما هو عشان عارف فبقولك ده جنان لم توافقي تتجوزي نديم ازاي بس وهم اخوات وهتشوفي نبيل قدامك طول الوقت طب بلاش نبيل مافكرتيش في نديم أنتي تتراجعي عن قرارك ونديم ترفضي بهدوء ولكن اللي أنتي ناوية تعمليه ده اسمه جنان واذيه لنفسك قبل غيرك عايزة ټنتقمي من مين بالظبط من نفسك يا مچنونة انتي تهدي كده وتفكري بعقل وقولنا ننسي اللي حصل من نبيل أنا من الأول قولتلك مش عاجبني تصرفاته واهو طلع معايا حق كان مجرد وقت بيستغله عشان ينجح فى كسب ثقة اخوه ويوصله أن هو راجل وقد الشغل ويعتمد
عليه واخدك سلمه الوصول لهدفه ومېت مره اقولك ماتبقيش هوائيه مش بكلمة إعجاب تقعي فى حبه ويجي قلبك يتكسر بلاش تقرري نفس الحدوته يا فيروز نديم ماينفعش 
ليه ماينفعش عشان بيحبني ولا عشان أخو نبيل نبيل خلاص مش كان ولا هيكون ليه وجود في حياتي عشان ازعل أصلا عليه هو أنا صعب حد يحبني وارتبط بيه ليه ياعامر أنا مش من حقي أحب واتحب ولا ايه فيه ايه غلط قولي عرفني أنا هتجوز نديم عشان شوفت الحب والصدق في عنيه ومش هضيعه من ايدي لاي سبب وبعدين مش يمكن ربنا بيجبلي حقي وبيفتح عنيه للحبني بجد وعايزني أكون في حياته أنا مش هتراجع عن قراري وده حقي ونبيل أصلا ده آخر حد ممكن أفكر فيه هو نفسه هيتصدم لم يعرف أن بقيت مرات اخوه أنا عايزه احفظ كرامتي أنت فاهم وأرد ليه القلم 
اغلقت الهاتف پغضب ثم القته پعنف ليسقط أرضا وتتبعثر محتواياته ..
فى ذلك الوقت كان يجلس بجانب جدته يقص عليها كل شيء والسعادة تغمره بسبب موافقة فيروزه بالزواج منه لتبتسم الجدة وتقبل وجنته بفرحة
ألف مبروك يا حبيبي ربنا يسعدك يا نديم واشوف عوضك أنت واخوك يا عمري 
الله يبارك فيكي يا روح قلبي 
اسمع أنا بكره هاجي معاك ونروح نتكلم مع فيروز ودلوقتي هتصل بدرية هى كانت ادتني رقم تليفونها عشان نتكلم لازم افرحها واطمنها على بنتها
بس مش هخليها تعرف فيروز حاجة دلوقتي غير لم نقابلها ونتفق معاها على كل حاجة قولي بقى ناوي على ايه الاول 
ناوي على كل خير طبعا جواز على طول عشان ماتقعدش لوحدها وتبقى معرضة لمضيقات غير أنها بقت لوحدها وأنا هفضل قلقان عليها أنا ممكن احجز تذاكر ليا أنا وهي نسافر الكويت اطلبها من باباها ونكتب الكتاب هناك فب السفارة في وسط اهلها وكمان اعملها حفلة هناك ولم نرجع هنا بردو تعمل حفلة كده على الضيق عشان نعلن خبر جوازنا وبكده تكون اتجوزت في وسط عيلتها وهنأجل شهر العسل لم نبيل ورهام يرجعو بالسلامة عشان مانسبكيش لوحدك يا جميل 
ربتت على ظهره بحنان 
يا حبيبي أفرح انت وعروستك وماتشيلش همي ما هي ثريا معايا 
قبل رأسها بحب 
مااقدرش أبعد عنك غير لم أكون مطمن عليكي ووجود نبيل هيطمني غير كده مافيش وبعدين الواد الندل ده مش عايزه يعرف حاجة مدام راح شهر العسل ونسينا هناك 
ضحكت عائشة بحب 
ربنا يسعدهم ويهدي سرهم أنت عارف اخوك مچنون هههه بس لو اتصلت أنا مش هقوله أطمن خليها مفاجاة وهو لم يرجع هو ومراته هيطير من فرحته بيك ولا رهام أكيد مش هتصدق نفسها انها هي واختها مش هيتفرقوا والقدر جمع بينهم تاني فى بيت واحد 
عندك حق يا ست الكل يلا كده اتصلي بطنط درية وفرحيها بنفسك أن بناتها في أمان وسطينا واننا اهلهم 
حاضر يا حبيبي ..
بعد أن أغلقت الهاتف مع الجدة دلفت لغرفة زوجها تيقظه بسعادة 
صالح. يا صالح قوم بسرعة 
نهض من فراشه بقلق 
خير يادرية في حاجة حصلت البنات كويسين 
كويسين يا حبيبي وبخير في خبر هيفرحك ولازم اقوله عشان يطمن قلبك على فيروز 
اعتدل في الفراش وهو ينظر لها باهتمام 
فيروز مالها خير 
قصت عليه حديثها مع الجدة قبل قليل وهي تخبرها بإرادة نديم الزواج من فيروز ووافقت الأخيرة على مطلبه وقررت هي وحفيدها الذهاب في الغد لبيت فيروز والتحدث بأمور الزواج واخبرتها أيضا راغبة نديم بالسفر إلى الكويت من اجل اتمام الزفاف بجانب والديها لم يصدق صالح كل ما سمعه من زوجته .
بتتكلمي بجد يا حبيبتي
طبعا يا حبيبي الحمدلله البنات ربنا عوضهم بعرسان زي الفل ومش هيتفرقوا هيفضلوا مع بعض العمر كله وأحنا عاوزين ايه من الدنيا غير سعادتهم ووجودهم مع بعض فى بيت واحد ده مطمن قلبي عليهم وكمان الحاجه عائشة ربنا يبارك في صحتها هتعاملهم زي بناتها وأن كان نبيل ولا نديم الاتنين مايتخيروش عن بعض ادب واحترام ورجاله بجد يعتمد عليهم هم دول نعم الزوج الصالح والسند والأمان وكمان اخلاقهم ما شاء الله عليهم ونعم التربية 
تنهد بارتياح
وهو يحمد ربه ويشكره على سعادة بناته فهو مثل حال أي اب لايريد