مرة واحده في العمر ل فاطمه الالفي

ډخلتي شقته أنا بقولك ان مجرد راجل تاني يشكرلي فى مراتي ده فى حد ذاته مرفوض بالنسبالي حتى لو كان صديقي ده من غيرتي عليكي يا فيروزه قلبي ونور حياتي
جذبها لتنهض من اعلى ادخلي خدي شاور عشان تفوقي كده ياقلبي وتستوعبي ان جوزك راجل غيور جدا 
لم تنكر انها الان تشعر بالسعاده بسبب غيرته ووقفت امام دولابها تنتقي ثيابها بحيره لا تريد أن ترتدي ملابس تظهر شي من جسدها فلم يعد المنزل خالي بعد عوده شقيق زوجها 
كان ينظر لها وعلم بحيرتها فى اختيار ملابسها وهذا ما جعله يبتسم بهدوء ثم غادر الغرفه وقرر التوجه الى غرفه جدته ليستعين بحجاب من اغراضها فقد علم بان زوجته الان مستعده لتلك الخطوه ..
بحث عن جدته ولكن لم يجدها بغرفتها هبط الدرج لاسفل وعلم من الخادمه بانه بحديقه الفيلا تهتم بالزرع وترويه بنفسها ...
وجدها تقف امام رشاش المياه تغلقه بعدما انهت من ارواء الاشجار والورود الجميله .
اقترب منها بثبات وطبع حانيه اعلى جبينها واخرى على كفها
صباح الروقان يا حبيبه قلبي ايه النشاط العالي ده 
صباح الخير والسعادة على عيونك يا حبيبي قولت على ما تصحو يا حبيبي اخرج اسقي الزرع والورد ولاقيت النعناع الاخضر كبر وريحته جميله قطفت منه عشان نشرب شاي بنعناع بس قولي مالك عاوز حاجه 
بتفهيني انتي يا امي من غير كلام بصراحه محتاج استعير منك حجاب عشان فيروزة مؤقتا بس على ما نخرج واجبلها كل اللى هى محتاجاه وحباه
اتسعت ابتسامتها بفرحه اللهم صلي علي النبي فيروز هتتحجب ربنا يرضي عليك يا بني و يثبتثها على طاعته .
عليه افضل الصلاه والسلام ايوه يا ست الكل مانكرش ان اتكلمت معاها فيه بس هى اللى خدت الخطوه ومستعده ليه أنا ماينفعش اجبرها على حاجه هى رفضاها بس ماكنتش هيأس كنت هفضل اتكلم وانصحها فى اتخاذ القرار الصائب ليها 
ربتت على كتفه برفق وماله يا حبيبي ده دورك دلوقتي تاخد بايديها وهى تاخد بايدك وتمشو فى الطريق من اوله مع بعض اسمع خليني اخد ثواب أنا كمان اطلع اوضتي وأفتح دولابي هتلاقي الطرحه البيضه لسه فى علبتها زى ماانت جبتهالي لسه مالبستهاش خدها واديها لمراتك وقولها دي اول هديه من تيته بس هديه الفرح لسه بحضرهالها 
بس دي هديتي يا حبيبتي خليها معاكي وأنا بقولك هننزل ونشتري كل حاجه هى محتجاها
اسمع الكلام هو انت عاوز تاخد الثواب لوحدك ولا ايه وبعدين انت بتجبلي كتير ومافيهاش حاجه لم اهادي مراتك بهديه عندي
قبل رأسها بحب امرك يا جميل 
غادر الحديقه مترددا كان يريد ان يخبرها بعوده شقيقه ولكن فضل ان تتفاجئ بوجوده لتغمرها السعاده وهى تشاهده امام اعينها لذلك قرر أن يتوجه الى غرفتها لجلب الحجاب والعوده الى غرفته 
اما عن نبيل فقد استيقظ باكرا على غير عادته وقرر ترك زوجته نائمه وبعد ان اخذ حمامه البارد وابدل ملابسه ترك جناحه وهبط الى الأسفل ليلتقى بال الدافئ فقد اشتاق لجدته ويريد ان يعانقها ليروي عطش الاشتياق لتلك الجده الحنون ..
سار على اطراف اصابعه وتوجه الى غرفه الطعام اقترب بهدوء ووقف خلفها ثم وضع كفيه يعصب عينان جدته ويهمس بصوته خاڤت 
حذري فزري يا شوشو أنا مين 
عندما استمعت لنبره صوته المميزه التى تعلمها عن ظهر قلب فهى تميز حفيدها ط الاف الأصوات وضعت كفيها اعلى كفيه وهى تبتسم برضا 
حبيب قلبي البكاش اللى واحشني وسافر وقال عدولي ابن قلبي وعمري تهون عليك عيشه يا ولد ماتتصلش بيها كل المده دي هم اللى بيتجوزو بينسو كده بسرعه 
سحب كفيه برفق وهبط لمستوى جدته وهو يرتمي بين ذراعيها ويهمس بصدق عمري مااقدر انساكي يا روح قلبي انتي كل حياتي ازاى بس هنسي حياتي 
قرصت اذنه يا بكاش باماره سأبني من غير اتصال كنت عاوزه اطمن عليك يا معفن ههههه
نظر لجدته بذهول أنا معفن يا آش آش بس أنا اتصلت بيكي وبعدين ماقدرتش أبعد عنك شهر ورجعتلك اهو يا قلبي بس ماكنتش اعرف بقى ان وجودي زي عدمه ومش فارق معاكم فى حاجه والدليل ان نديم يتجوز وأنا اخر من يعلم 
بس ايه رايك فى المفاجئة تجنن مش كده وبعدين موضوع اخوك ده ليه ظروفه وانت لو كنت فاتح فونك كنت عرفت اللى بيحصل هنا وبقيت مع اخوك خطوه بخطوه المهم ان اخوك مبسوط وسعيد فى حياته ولاقى أخيرا بنت الحلال اللى دخلت قلبه وده المهم أنا كده مطمنه عليكم لو جرالي حاجه كل واحد فيكم عنده مراته اللى بتحبه وحياته ويارب ماتتفرقو ابدا تفضلو سند وعزوه وفى ضهر بعض العمر كله ..
انتظر خروج زوجته من غرفه ابدال الملابس وهو يحمل بيده الحجاب الابيض طال انتظارها فجلس اعلى الاريكه وعيناه متعلقه بذلك الباب المغلق ليتفاجئ بخروجها بعد لحظات .
جحظت عيناه پصدمه عندما راءها ترتدي كنزه بيضاء بكم تصل الى ركبتيها واسفلها ارتدت بنطال جينز انبهر حقا بتلك الطله وعلم حينها بانها كانت تنتقي ثياب محتشمه كما توقع هو تقدم بخطواته إليها ووقف امامها وهو يفرد الحجاب الابيض ويضعه اعلى رأسها اول هديه من تيته ليكي 
ابتسمت بارتياح كنت فعلا محتاجها دلوقتي وعشان كده اتاخرت فى اللبس 
سحبها من يدها واوقفها امام المرآه جعلها تنظر الى هيئتها بالحجاب ثم استند بذقنه اعلى كتفها وهو يهمس بفرحه غامره 
زي الملايكه بحجابك الابيض هو طبعا لبسك محتاج تظبيط بس مقبول الى حد ما بعد الفطار هننزل تشتري لبس جديد يليق بملاكي الحارس ...
بالاسفل ..
على مائده الطعام جلس نبيل بجانب جدته وبعد لحظات كان يقف نديم امامها وهو يحتضن بكف زوجته .
صباح الخير يا بلبل 
جحظت عيناه پصدمه عندما وقعت على تلك الفتاه التى ينعيها بالشيطان وتتصور امامهم بهيئه ملاك لتجذب انتباه الجميع بها وكاد ان ېصرخ وېعنفها ويلقى بها خارج المنزل ولكن عندما شعر بسعاده شقيقه وراء الحب الذي يكنه بداخله لتلك الفتاه قرر أن يصمت ويقف ليشاهد
فقط واذا تطور الأمر سوف يتدخل ....
الفصل الخامس عشر
لم تتحمل نظراته الغاضبه فحاولت ابعاد انظارها عنه فهى ليست مذنبه بحقه لماذا يرمقها بتلك النظرات القاسيه بلا هو المذنب بحقها وليس هي ...
انتبوه لمنادة جدتهم اقعدو يلا نفطر ثم عادت تنظر لنبيل بتسأل فين رهام يا حبيبي مانزلتش معاك ليه 
سبتها نايمه اصلها نامت متأخر وقولت اسبها براحتها 
ابتسمت الجده ثم ضړبته برفق على راحه كفه انت هتفطر من غير مراتك قوم اطلع صحيها ماينفعش تسبها فى اول يوم ليها فى البيت 
هم بالنهوض ولكن استوقفه قدوم زوجته بوجه باسم 
مافيش داعى أنا جيت صباح الخير
عانقتها الجده بحنان ثم اقتربت من شقيقتها وقبلت وجنتها صباح الخير يا روزه 
بادلتها البسمه صباح الخير ياروما 
ضحك نديم وهو ينظر لهم ده الدلع ده كله روزه وروما لا احنا نطلع منها بقى 
ابتسمت عائشه ربنا يخليهم لبعض 
جحظت عين رهام عندما شاهدت شقيقتها بالحجاب اوبا أنا ماخدش بالي يا روزه انتي اتحجبتي بس زي القمر 
مرسي ياقلبي عبقالك 
لا أنا
مجنونه ولسه بدري على العقل ده دي خطوه مش سهله وبعيده عني على الاقل دلوقتي
نظرت لها الجده مافيش حاجه بعيده على ربنا يا بنتي ربنا يصلح لينا الحال ..
تناولو طعام الإفطار بهدوء وكلما حانت منها اتفاته وجدته مازال يرمقها بنظرات لم تفهمها بعد ...
بعد انتهائهم جلست رهام بجانب شقيقتها لتخبرها الاخيره بكل شي يخص زواجها من نديم وقرار عوده والديها من اجل الزفاف وسفرهم مره أخرى بعد انتهاء العرس ..
واشعل نديم cd الخاص بالزفاف ليشاهدونه امام اعينهم لتضح الصوره كامله لنبيل عندما شاهد فرحه شقيقه ولاول مره يراء يدندن بتلك الاغاني راء وجه اخر لشقيقه الاكبر وجه عاشق يتلذذ بالقرب من معشوقته ...
اقترح نديم عليهم بالخروج 
ايه رايكم نخرج ونعمل شوبنج عشان فيروز تشتري لبس المحجبات وبالمره نروح اي مكان
نبيل باعتراض لا اعفينا احنا عملنا شوبنج فى روما وانا مصدع مش هقدر اخرج 
نظرت له رهام بضيق وفضلت الصمت 
وكزه نديم بخفه انت بقيت بخيل ولا ايه فيها ايه لو عملت شوبنج هنا كمان هتسخسر فى مراتك ولا ايه
لا والله مااقدرش استخسر فيها حاجه طبعا بس بجد مش فى المود ومصدع 
أثناء انشغالهم بالحديث صدع رنين جرس الفيلا لتفتح ثريا الباب لتجد شاب امامها 
أنا عامر عبدالله ممكن أقابل نديم وفيروز 
اتفضل يا بني ادخل
وقف خلف الباب لتغلق الخادمه الباب وتاذن له بالدخول 
لا متشكر هنا كويس بس اديلهم خبر ممكن 
سارت الى حيث غرفه التلفاز ووقفت على اعتاب الغرفه 
واحد اسمه عامر عبدالله طالب يقابلك يا نديم يابني وكمان فيروز
نهضت فيروز عندما استمعت لاسمه ولحق بها نديم وهو ينظر لثريا 
مادخلتهوش ليه يا داده 
والله يابني رفض وقال كده كويس 
اسرعت اليه تقبل وجنته فرحا بقدومه عامر انت بجد مش كنت سافرت يابني 
وقف مذهولا من مظهرها الهادئ بحجابها الرقيق ورفع يدها لكي تدور حول نفسها لينظر لها بسعاده ايه الجمال ده ماشاء الله عليكي ربنا يثبتك يا رب يا حبيبتي بجد دي احسن حاجه عملتيها وخطوه مهمه فى حياتك 
وقف نديم يرحب به ليفصل بينهم ازيك يا عامر اهلا وسهلا بيك اتفضل
أتت رهام لتصافحه ونبيل متسمرا مكانه يحدث نفسه وده مين سي عامر ده كمان وازاى تسمح لنفسها ته وته بالشكل ده لا عامله حساب لنديم ولا كأنه موجود لم تعمل كده قدامه هتعمل ايه من وراه 
ازيك يا عامر 
صافح رهام وهو يبتسم لها ازيك يا رهوم حمد لله على سلامتك 
الله يسلمك 
نديم ادخل يابني واقف ليه .
لا معلش يا نديم مستعجل اخرج من جيب سترته دعوه الفرح خاصته وقدمها لنديم 
دعوه فرحي بعد يومين لازم تحضروا 
التقطها نديم ألف مبروك 
نظرت له پصدمه فرحك ازاى يعني شقتك لسه فيها حاجات كتير ناقصه 
ربت على كتفها لا ماانا اخدت شقه ايجار جديد فى البحر الاحمر جنب شغلي هناك وكمان مفروشه هنتجوز فيها وهنا بقى الشقه تخلص براحتها 
احتضنه بفرحه تبارك له تلك الخطوه بجد ألف مبروك يا حبيبي 
الله يبارك فيكي يا روزتي قولت أعمل زيكم بقى بس الفرح بالنهار عشان السفر وكده هستناكم ماشي استاذن انا بقى 
رغم غيرته على زوجته من هذا القرب الا انه رفض ان يغادر دون ان يحاول معه لدخول لا تمشي ايه ماينفعش يا عامر ادخل يابني 
رفض الأخير بتهذيب معلش والله ورايا مليون حاجه وقولت اول حد لازم اعزمه بنفسي فيروز ثم نظر الى رهام وانتي كمان يا رهام لازم تيجو 
رهام
بابتسامه أكيد طبعا يا عامر هنكون اول الموجودين ..
نظرت لزوجها برجاء بعدما غادر عامر من باب الفيلا ممكن أوصل عامر بليز 
هز راسه