اصرة العزايزه الفصل الخامس والسادس ل نهال مصطفي

 

أنت يا زفت !! صوح جايب البت دي بره . 
وهتقعد معانا أسبوع بحاله .
صاحت زينة بقلة حيلة 
عمتي عرفي هيثم أن هارون هيخطبنى ..
لقد فاضت رأس صفية من تحمل رصاص عبثهم فاڼفجرت بوجه كل واحد منه على حدى 
يخربيت أمك _ثم نظرت لزينة مشيرة بكفها بغل _على بيت أمك أنت كمان .
وتركتهم ورحلت وهي تثرثر بصوت مسموع 
يارب أنت اللي عالم بحالي ربنا بيدي المچنون عشان العاقل يتجنن .. كان مستخبي لي فين كل ده بس يا ربي !! 
طيب أهدى يا شريف وفهمني !!
أردفت نادية التي فاقت من النوم على صوت رنين جرس المنزل المتكرر بعد ما فقد شريف أمله أن ترد عليه بهاتفها .. فكرر شريف جملته پغضب متزايد 

بعتت العسكري يوصل ليلة على المطار لقى الهانم ركبت جوة عربية هيثم العزايزي ومعرفش راحت على فين !
ثم رمى السېجارة بفمه كي يفرغ بها طاقة غضبه 
عمتي أنا لحد هنا وجبت الناهية مع ليلة !! هو سامح الجوهري يدلع ويبوظ وأنا أشيل !! 
زفرت نادية بضيق وهي تسب ابنتها سرا ثم عادت متسائلة 
كلمتها على تليفونها !
طبعا كلمتها مش بترد !!
ثم صاح ليشعل الأمر أكثر 
عمتي العزايزة دول جماعة شمال ونوش وكل شغلهم شمال !! وبنتك كمان رايحة لهم برجليها !! 
تسرب القلق لقلب نادية ثم قالت 
طيب والحل يا شريف !! أنت هنا في اسكندرية ازاي ممكن أوصلها ! شريف خد البوكس وروح هاتها من بيتهم عشان البنت دي قربت تجنني وحسابها معايا لما تيجي !! 
رد بحزم 
ساعتين بنتك لو مردتش على تليفونها هروح أجيبها من قلب بيتهم ومحدش هيهمني .
قصر العزايزة .
هيثم أنت طلعت بحوار البيات ده منين !! أنا هرجع الفندق مامي مش هتوافق .
تابع خطاها 
ياستي أديني حق الفندق وأنا راضي .. بس مش هينفع تروحي مندرة الضيوف مفتوحة للكل وكمان تحضري معانا فرح هيام!!
ضړب كف على الأخر 
هيثم أنا أول مرة أقابل
حد أجن مني .. 
مال نحوها بإعجاب 
عشان تعرفي بس إننا فولة وانقسمت نصين ! 
تحمحم بحذر وهي تسبقه الخطى وتنبهه 
أنت على طول كده ناسي أعرافكم ! فوق .. دا أنت أخوك العمدة .
جهر ضاحكا 
طب بتفكريني ليه !! سبيني أحلم!! 
وصلت ليلة لأسطبل الخيول مع هيثم الذي تولى مهمة إرشادها بالمكان ولكي ينقذها من شرور زينة التي فقدت عقلها عند رؤيتها دخلوا من باب الياخور وهي تراقب الكثير من الأحصنة .. كل منهم بمنزله الخاص لم تلتفت للأحصنة التي يتكون لونها من الأسود والبني بل جذبت من ياقتها لذلك الفرس الأبيض كالغيم و المنفي عن
كل الخيول كأنه رئيسهم ركضت لعنده وهي تشيد بجماله وهي تداعب شعره 
تحفه!! الخيل ده يجنن . 
اقترب منها وقال 
دي غيم فرس هارون .. وابعدي عنه عشانه مچنون كيف صاحبه . 
اسمه حرك نهر فضولها وقالت بفلسفة 
مفيش خيل مچنون وخيل هادي بابي كان بيقول الخيل بيحس بقلوبنا وبيعاملنا على أساسها . 
ثم فتحت الباب الحديدي ودخلت منه متجاهلة تحذيرات هيثم لها 
لا يا ليلة متتجننيش .. محدش بيعرف يسيطر عليه اطلعي عقول لك .
شرعت بالتعامل مع الخيل كيفما علمها والدها حتى كسبت ثقته كان غيم هادئا على عكس عادته مرحبا بلمساتها الحنونه وكأنه كان ينتظرها عندما أحس بقلب صاحبه الذي ألتقى بها من غيره شرعت أن تروي عليه قصة خيلها القديم وتحدث الخيل وهي تطعمه براحة كفها 
تعرف إني خوافة جدا ومستحيل أقرب من أي حيوان لحد ما بابي كسر جوايا الخۏف من ناحية الخيول ده وعرفني على الخيل بتاعه كان اسمه حلم حبيته جدا واتعلقت بيه أوي .. بس للأسف من زعله الشديد على بابي هو كمان اتوفى بعده بأسبوع .. أنتوا الاتنين تشبهوا بعض جدا كان أبيض زيك ..
ثم نظرت لهيثم الذي يستمع لها باهتمام شديد وهي تضع السياج فوقه 
أنا ممكن أركب !! 
أبي هيثم بإصرار 
لا استنى لما هارون يعاود غيم محدش بيعرف يتعامل معاه غير هارون ده مدبوب . 
اسمه بث وميض العناد بصدرها وقالت بسخرية وهي تتأهب لركوب الخيل بعد ما فكت رباطه
هارون أخوك ده مبيعرفش يتعامل مع بني آدمين !! هيتعامل مع أحصنه ..
ثم أتبعت بثقة وهي تستريح فوق ظهر الحصان 
أنا هعرف اتعامل كويس .. 
ثم شدت اللجام وتحركت فندب هيثم على وجهه وهرول ليخرج حصانه جاهرا وهو يقفز فوق ظهره 
يا وقعة سودة !! هارون هيطين عيشتي !! 
صعد فوق حصانه ثم لحق بها حتى أصبح موازيا لها قائلا 
لفي لفتين ونرجعه عشان هارون بيتعصب لما حد يقرب من غيم . 
مالت على رقبة الحصان وهي تداعبه براحة كفها 
أنا وغيم بقينا صحاب خلاص !! مش كده يا غيم .
ثم اعتدلت مرة ثانية وسألته 
هارون ده أخوك فين دلوقت !! 
شد لجام حصانه ليقترب من حصانها أكثر 
في المحجر . 
ده قريب من هنا !! 
أشار نحو الطريق الخلفي للمنزل الذي يطل على الجبل فقل 
لو دخلنا من هنا عشر دقايق ونكون هناك .. 
دارت بحصانها جهة ما أشار دون أن تلفت نظره عن رغبتها في الذهاب إليه فقالت لتلهيه بالحديث 
أنا جات لي فكرة برنامج هعمل برنامج واسميه حكاوي ليلة .. بس لسه مش عارفة هحكي أيه وممكن المكان هنا يساعدني أزاي !! 
راقت له الفكرة ثم أكمل مقترحا 
عارفة مين ممكن يساعدك بجد هارون أخويا .. ده قاري كل كتب التاريخ والقانون .. الجدع دماغه ذرية وهتعجبك .
تأرجحت عينيها بمكر 
لا مش عايزة حاجة منه .. وبعدين هارون ده أنا مش عايزة اتعامل معاه خالص .. خلينا بعيد .
التوى ثغر هيثم بمزاح 
ومفيش أبعد من إكده !! دا أنت راكبة حصانه .. 
تجاهلت تلميحاته ثم قالت متحدية 
نتسابق !! 
راقت له الفكرة على الفور 
ما بلاش هتخسري .
شدت لجام الفرش وانطلقت كالصاروخ الجوي فلحق بها هيثم تارة تغلبه تارة يغلبها .. أجواء من المرح تناسب فيها أمها ورفقاتها وشريف واسكندرية تما حتى أنها تناسب أمر أقراصها المهدئة .. 
على الجهة الأخرى يقف هارون بين العمالة يشجعهم بصوته القوي وهو يصفق آمرا 
شدوا حيلكم يا رجالة عايزين نحملوا العربيتين دول قبل الصلاة .
ثم ألتفت للوراء بعد ما أخذ نفسا من سيجارته أجرى مكالمة تليفونية وعينيه تجوب بالمكان بحرية كمن يبحث عن شيء لا يعلمه .. رد عليه هاشم الجالس مع رؤوف بالوحدة 
يا هرن كيفك ! 
تحرك ببطء نحو سيارته المصفوفة 
هو علمك الزفت ده !! فينك !
ارتشف رشفة من كوب القهوة المتروك على المكتب وقال 
قاعد مع رؤوف ولد عمك اهو وبالليل هنتحركوا على قنا . 
جهر رؤوف الذي يشكو من هاشم 
أخوك غلبني يا عم هارون .. لولاك بس أنا كنت هحبسه وملهوش أجازات عندي. 
فتح هاشم مكبر الصوت فأردف هارون