لذه البدايات ل دودو محمد
ظهرها عليه وتنهدت بحب
ظلت تتابعها بأبتسامه وقالت بسعاده
غزل سيدى يا سيدى يقطع الحب وسنينه
تحركت بسعاده وجلست بجوارها واحتضنتها بأبتسامه وقالت
عهد أنا بحبه اوى يا غزل اوووووى
ضمتها أكثر داخل أحضانها وقالت بسعاده
غزل وانا بحب فادى اوووووى كان مكتوب لينا ده كله فين وقعنا ومحدش سمى علينا يا دودو
ثم ابتعدت عنها وقالت بتساؤل
ايه حصل المراد
حركت رأسها سريعا وقالت بتوضيح
عهد لا طبعا لسه بدرى اوى على الخطوه دى لما نتعود على بعض وكل واحد مننا يتأكد من مشاعره اكتر اتجاهه التانى وهو موافق على كده ومغصبش عليا بس ده ميمنعش أنه بيحاول يقرب ليا كل شويه بس اقولك سر مبقتش اضايق منه زى الاول بالعكس بقيت حابه حركاته وشقاوته اللى بيعملهم معايا طيب اقولك على حاجه انا اول مره امبارح انام مرتاحه وانا فى حضنه كنت حاسه بسعاده كبيره وشعور حلو اوى وانا سامعه دقات قلبه
تنهدت بحب وقالت بأبتسامه
غزل عقباااااالى يارب نفسي انام طول الليل فى حضنه
تعالت ضحكاتها وقالت
عهد ده انتى واقعه اوى يخربيتك اجمدى يا بت واتقلى شويه بصى انا بمۏت فى منصف قد ايه بس قصاده سبع الليل اللى مافيش حاجه تأثر فيها
وفى ذلك الوقت سمعوا صوت جرس الباب نظروا إلى بعض بأستغراب وخرجوا سريعا من الغرفه
فرهت عهد شفاها پصدمه وقالت
بوى عمى أما !!!!
بقلمى دودو محمد
الجزء العشرون بقلمى دودو محمد
نظرت عهد على الباب وجحظت عيناها پصدمه وقالت
بوى عمى اما!!!
اقتربت منها بأشتياق واحتضنتها بسعاده وقالت
توحشتك جوى جوى يا بنتى
تمسكت بها بقو
عهد وانا توحشتك جوى يا اما مفاجئه حلوه جوى
اقتربت من والدته وقبلت يده ثم احتضنته وقالت
عهد الحمدالله على السلامه يا بوى نورت الشجه
ربت على ظهرها بحنو وقال
الشجه منوره بأهلها طمنينى عليكى
ابتسمت له ابتسامه هادئه وقالت
عهد أنا بخير يا بوى
اقترب منهم سريعا وصافح والدة عهد ثم احتضن أعمامه وقال
منصف نورتوا الشقه ايه المفاجئه الحلوه دى
رد عليه بأبتسامه هادئه
جولنا ندل على اسكندريه ونيجى نجضى معاكم يومين
نظر إلى منصف بتوتر واقترب من والده وقبل يده وقال
فادى ح ح حمدلله على السلامه يا بابا ايه المفاجئه الحلوه دى
صافحه وتكلم بنبره جاده
مش باين عليك يا ولدى أنها عجبتك عاد
ابتلع ريقه بتوتر وقال
فادى ل ل ليه يا بابا بتقول كده
نظر إلى غزل بأستغراب وقال بتساؤل
مين دى يا ولدى
نظر إلى غزل بتوتر وقال بتلعثم
فادى د د دى غزل صاحبة عهد ي ي يا بابا
نظر لها من الاعلى إلى الأسفل وقال بتساؤل
صحبتها !! وبتعمل ايه هنا
نظرت إلى عهد بتوتر وتراجعت إلى الخلف
اقتربت إليها سريعا وتمسكت بيدها وقالت
عهد دى جايه تجعد معايا يومين يا عمى أنا اللى جولتلها
تكلم پغضب وقال
وهى بنات اهنا عادى أكده تجعد عند اى حد وحتى لو موجود شباب فى المكان ده
تكلم سريعا وقال بتوضيح
منصف يا عمى غزل صاحبة عهد المقربه وهى بتعتبرها اختها وعلى فكره هى محترمه جدا وانا لو كنت شايفها مش كويسه مكنتش هسمح ليها تدخل هنا ولا تكون قريبه من مراتى
نظر لهم بعدم اقتناع وقال بصوت جاد
عموما ده مش موضوعنا عاد أنا جاي أهنا علشان نتكلم فى موضوع
ثم نظر إلى غزل وقال
موضوع عائلى
تنحنحت بأحراج وقالت بتلعثم
غزل ع ع عن اذنكم أنا هسبقكم على الشركه
وتركتهم وغادرت البيت سريعا
نظروا إلى أثرها بقلق ثم نظر فادى إلى والده وقال بتساؤل
خير يا بابا موضوع ايه ده اللى حضرتك جاى لحد هنا علشانه
نظر لهم جميعا ثم نظر إلى فادى واجابه قائلا
بنت عمتك هتكتب عليها عرفى لحد ما توصل لسن الجانون هتكتب عليها رسمى أنا كلمة عمتك واتفجت معاها على كل حاجه
جحظت عيناه پصدمه ونظر إلى منصف ثم قال پغضب
فادى بنت عمتى مين دى اللى اكتب عليها عرفى دى لسه عيله صغيره انت بتقول ايه بابا أنت فاهم خطۏرة الكلام اللى بتقوله ده
تكلم بصوت غاضب وقال
خطۏرة ايه دى يا ولدى اللى بتتكلم عليها عاد انت لا اول ولا اخر اللى هيتجوزوا بنت تحت سن الجانون واكده ولا أكده هى هتكون ليك يبجى ايه المانع انك تكتب عليها دلوجيت
وضع يده على وجه پغضب وتكلم بنفاذ صبر وقال
فادى وايه اللى غير رأيك بسرعه كده يا بابا ما احنا اتفقنا أن لسه بدرى على الموضوع ده
تكلم بنفاذ صبر وقال بصوت غاضب
انا مش جاى اخد رأيك يا فادى أنا جاى ابلغك علشان ترجع معانا علشان تكتب العجد العرفى
نظر له بضيق وقال بصوت مخټنق
فادى وانا مش هعمل كده يا بابا انا مستحيل اشارك فى چريمه زى دى مش هتجوز طفله علشان شويه عادات وتقاليد متخلفه ملهمش اى لازمه وبعدين كويس أن الموضوع ده اتفتح لأن انا كنت ناوى اجى عندك علشان اتكلم معاك لأن انا مش ناوى اتجوز حد من العيله أنا بحب واحده وعايز اتجوزها
نظر له پغضب وقال
اه عايز تتجوز
جليلة الربايه اللى كانت هنا دلوجيت
صك على أسنانه پغضب وقال بصوت
مخټنق
فادى غزل مش قليلة ربايه يا بابا بالعكس دى مؤدبه جدا واكتر حاجه شدتنى ليها هى اخلاقها مش معنى أنها قاعده مع صحبتها تبقى مش متربيه وقليلة ادب احنا بنحب بعض وبعد اذن حضرتك اسمح لينا أننا نتجوز
نظر له بتحدى وقال پغضب
وانا مش موافج يا فادى ورينى هتتجوزها ازاى من غير رضايا
تكلم بصوت مخټنق وقال
فادى وانا مش هتجوز غير غزل يا بابا
اقترب منه وصفعه پغضب على وجينته وقال بتحذير
اياك تفكر تتحدانى شكل تربيتك بره نسيتك طبع ابوك عامل ازاى
الجميع ركضوا إليهم ابعد منصف فادى عن والده وامسكه من يده وقال بصوت مخټنق
تعالى معايا يا فادى أمشى
ابعد منصف عنه وتكلم پغضب وقال
فادى دى حياتى أنا ومش من حق اى حد يتحكم فيها انا هتجوز غزل ڠصب عن اى حد
وتحرك سريعا بأتجاه الباب وغادر البيت پغضب شديد
ركض منصف سريعا خلفه وهبط معه إلى الأسفل
نظرت له بحزن وقالت
عهد ليه يا عمى غزل والله العظيم مش وحشه دى مؤدبه جدا وانا اعرفها من زمان جوى واعرف كل حاجه عن حياتها غلبانه أمها ماټت وأبوها اتجوز ورموها فى الشارع وهى حفظت على نفسها واتعلمت وحججت كل اللى تريده
هدر بها پغضب وقال
فادى مش هيتجوز غير بنت عمته فاهمين
امسك يده وقال بنبره هادئه
اهدا يا خوي واللى انت عايزه هيتم
زفرت بضيق وقالت بصوت مخټنق
عهد أنا رايحه الشغل عن اذنكم
وتحركت بأتجاه الباب
ركضت والدتها خلفها سريعا وقالت
استنى يا عهد يا بنتى
الټفت لها وقالت بصوت مخټنق
عهد نعم يا اما
امسكت وجهها بين يديها وقالت بصوت هامس
طمنينى يا بنتى مافيش اى حاجه جايه فى السكه
نظرت لها بعدم فهم وقالت
عهد حاجة ايه دى يا أما مش فاهمه
حركت يدها على بطنها وقالت بتوضيح
اجصد يا حبيبتى مافيش حاجه جايه فى السكه
نظرت إلى يد والدتها وفهمت مقصدها ابتلعت ريقها بتوتر وارجعت شعرها خلف أذنها وقالت
عهد ها ل ل لا يا اما ل ل لسه
تنهدت بضيق وقالت بتساؤل
ليه أكده يا بنتى انتوا بجالكم شهر
ابتسمت لها بتوتر وقالت بتلعثم
عهد ل ل لسه بدرى يا اما عاد احنا سيبنها على ربنا عن اذنك
وخرجت سريعا وتركتها أغلقت الباب خلفها واسندت عليه نظرت أمامها بعدم تصديق وقالت
شكلهم جاين هنا وناوين على حاجات كتير ربنا يستر
هبطت إلى الأسفل وجدت منصف وفادى غادروا المكان أوقفت سيارة أجرة واتجهت إلى العمل
جلس فادى پغضب شديد على أحد المقاعد بالشارع وظل يبكى
جلس بجواره منصف وربت على ظهره بحزن شديد وقال
اهدا يا فادى انت عارف ابوك عصبى وعمره ما هيجى بالعند
تكلم پغضب وقال من بين دموعه
فادى لحد امته هيفضل كده طول عمره قاسې معانا كلامه كله أوامر أنا عمرى ما هنسي جميل ابوك عليا لما أصر يخدنى معاكم ويبعدنى عنه أنا مش عارف لو كنت عيشت عمرى كله معاه كان ايه هيحصلى
تنهد بحزن وقال
منصف الله يرحمه كان بيحبك زى ما بيحبنى بالظبط المهم دلوقتى عايزك تهدا كده علشان نفكر هنعمل ايه مع ابوك علشان نقنعه يوافق على غزل
هب واقفا وقال پغضب
فادى انا مش هقنع حد يا منصف انا هتجوز غزل برضاه أو ڠصب عنه أنا ما صدقت لاقيتها أنا عيشت عمرى كله بحلم بواحده شبهها يوم ما الاقيها افرد فيها بسهوله كدهمستحيل
امسك يده حتى يجلس وقال
منصف يا ابنى انت اهدا شويه انا مش بقولك تفرد فيها بس عايزك تمسك العصايه من النص ترضى ابوك وفى نفس
تتمسك بغزل وتتجوزها
نظر له بعدم فهم وقال
فادى ودى اعملها ازاى أن شاءالله
ابتسم له وقال بتوضيح
منصف هقولك انت هتعرض عليها الجواز وتحاول تقنعها ولما توافق تخدها على المأذون وتكتب عليها فورا كدا يبقى ضمنتها واتجوزتها ومتبعدوش عن بعض وبالنسبه لأبوك تحاول تتكلم معاه بهدوء وتقنعه أنه يتراجع عن فكرة جوازك بنت عمتك فى وقتك الحالى لحد ما تكبر شويه وبعد ما يقتنع ويوافق هيرجع البلد ولما يهدا خالص والموضوع يتنسي نروح أنا وانت ونتكلم معاه بهدوء ونقنعه بجوازك من غزل
تكلم سريعا وقال بتهكم
فادى يا سلام يا ابو العريف طيب لما بابا يقتنع ويوافق أننا نتجوز هنتجوز ازاى واحنا اصلا متجوزين
اجابه بتوضيح وقال
منصف سعتها نبقى نشوف حل للموضوع ده يعنى وقتها ممكن نقول انك اضطريت تتجوزها فى اسكندريه علشان حد من أهلها رجع من السفر علشان كتب الكتاب وسافر تانى هنطلع اى سبب المهم اننا نرضى الطرفين دلوقتى
نظر له بضيق وقال بعدم اهتمام
فادى انا هتجوز غزل بأى طريقه يا منصف مش مهم النتايج ايه المهم اننا هنبقى مع بعض
وفى ذلك الوقت أعلن هاتف منصف عن وجود اتصال نظر به وجدها عهد أجاب عليها سريعا وقال
انا اسف يا حبيبتى أن سيبتك ونزلت بس طلعت اجرى وراه فادى بعد اللى حصل
ردت عليه سريعا وقالت
عهد مش مهم أنا مش زعلانه المهم طمنى فادى عامل ايه دلوقتى
أجابها بصوت مخټنق وقال
منصف متعصب جدا طبعا
أخذ من يد منصف الهاتف وقال بتساؤل
فادى عهد فين غزل عايز اكلمها
اجابته بتوتر وقالت
عهد غزل لحد دلوقتى مجاتش الشركه أنا لسه واصله حالا وملاقتهاش وسألت عليها قالوا إنها مجاتش
زفر بضيق وقال بصوت مخټنق
فادى يعنى هتكون راحت فين بس طيب اتصلتى بيها
تكلمت سريعا وقالت
عهد الصراحه لسه أنا قولت اطمن عليكم وبعد كده هكلمها
رد عليها بترجى وقال
فادى طيب علشان خاطرى يا عهد تتصلى بيها وتعرفى مكانها فين متسبهاش الا لما تقولك لأن لو انا اتصلت بيها دلوقتى مش هترد عليا
تكلمت بنبره هادئه وقالت
عهد حاضر يا فادى هكلمها وبعد كده هكلمك
اغلق الخط معها واعطى الهاتف إلى منصف وقال
فادى عهد هتكلمها وتعرف مكانها فين وهترد عليا
اومأ رأسه بالموافقه وقال بتمنى
منصف ربنا يسعدك
يا ابن عمى يارب
جلس مره اخرى بجواره وانتظر اتصال عهد به
وصلت غزل أسفل الشركه نظرت لها بحزن وحركت رأسها بالرفض وتراجعت إلى الخلف وغادرت المكان مره اخرى ظلت تتجول بالشوارع وتنظر حولها بدموع جلست على إحدى المقاعد ووضعت يدها على وجهها وانهمرت دموعها أكثر وبعد وقت هدأت قليلا سمعت صوت الهاتف الخاص بها يعلن عن وجود اتصال أخرجته من حقيبة يدها ونظرت به وجدتها عهد اخذت نفس عميق واخرجته بهدوء ثم إجابة عليها بصوت مخټنق وقالت
ايوه يا عهد
تكلمت سريعا وقالت بقلق
عهد انتى فين يا غزل
اجابتها بصوت حزين وقالت
غزل بتمشى شوية يا عهد مليش مزاج اجى الشركه النهارده
ردت عليها بصوت مخټنق وقالت
عهد طيب انتى فين دلوقتى علشان اجيلك
تكلمت سريعا وقالت بدموع
غزل معلش يا عهد سبينى لوحدى شويه
زفرت بضيق وقالت بدموع
عهد علشان خاطرى متزعليش من اللى حصل من عمى هو كده على طول كلامه صعب مع الكل والله
تنهدت بۏجع وقالت بصوت مخټنق
غزل لا عادى يا عهد أنا بس مخنوقه شويه وعايزه اقعد مع نفسي
ردت عليها وقالت بترجى
عهد طيب وحياتى عندك تقوليلى انتى فين علشان اطمن عليكى بس
قالت لها عن مكانها وأغلقت الخط معها وظلت تنظر أمامها و تتابع تحركت السيارة ومر الوقت ونهضت حتى تغادر لكنها شعرت بيد
تمسك بيدها نظرت بجوارها وجدته فادى نظرت له بأستغراب وقالت
غزل
فادى!! بتعمل ايه هنا
وقف أمامها ونظر لها بحب وقال بأسف
فادى أنا اسف
تنهدت بحزن وقالت بتساؤل
غزل اسف على ايه !
قبل يدها بحب وقال
فادى اسف على اللى قاله بابا ليكى
نظرت إلى الأرض بدموع وقالت بصوت منكسر
غزل بس هو مغلطش عنده حق فى كل كلمه قالها وجودى معاكم فى الشقه من اساسه غلط انتوا عيله مع بعض وعهد مرات منصف وبنت عمك إنما أنا واحده غريبه علشان كده قررت اشوف مكان اقعد فيه تانى
تكلم سريعا وقال پغضب
فادى انتى اتجننتى ايه الكلام العبيط اللى بتقوليه دى شقتك واحنا اللى ضيوف فيها ولو مفروض حد يمشى ويسيب الشقه يبقى أنا
تكلمت بحزن وقالت
غزل لا طبعا دى شقتك انت ومنصف وعهد أنا حقى متنازله عنه ليكم
حرك رأسه بالرفض وقال بتوضيح
فادى لا يا غزل الشقه بتاعتك انتى وعهد لا انا ولا منصف لينا حق فيها احنا اتنازلنا عن حقنا فى الشقه من زمان والشقه بقت بأسمك انتى وعهد علشان كدا انا بقولك أن لو حد مفروض يمشى من الشقه دى يبقى انا مش انتى
نظرت له بدموع وقالت بصوت منكسر
غزل أنا بحبك اوى يا فادى
ابتسم لها بحزن وازال عبراتها بأنامله وقال
فادى وانا بعشقك يا غزل ودموعك دول غاليين اوى عندى تتجوزينى !
نظرت له پصدمه وقالت
غزل
بقلمى دودو محمد
