مأساه حوريه الفصل الرابع ل فريده احمد

عليا اللي مبقتش موجودة. اتبدلت بقساوة. ليه بقيت واحد تاني. ليه اتغيرت كده
هزت راسها اكتر من مرة وقالت....بس انا عارفة ليه.. انت من يوم ماعرفت اني مش بخلف وانت اتغيرت معايا..
مسحت دموعها وقالت... بس ده مش ذنبي. مش ذنبي اني مش بخلف. ومفيش في ايدي حاجة اعملها. دا نصيبي 
دموعها نزلت تاني وقالت بصعوبة... وانا قولتلك اتجوز وخلف الولد اللي نفسك فيه 
قربها ليه وقال بعد مامد ايده يمسح دموعها... بس انا مش هتجوز..عمري ماهتجوز عليكي ابدا.. مين قالك ان عايز اخلف. انا عايزك انتي. انا بحبك ياحورية 
كانت بتبصله بحيرة وهي مش فهماه. كانت محتارة بين خيانته ليها وبين صدقه اللي حاسه بيه لانه فعلا عمره ما حسسها انو في يوم ممكن يتجوز عليها برغم معاملته القاسېة معاها
غمضت عيونها وهي مشتته لحد ماحست بيه 
لكن هي علطول بعدت 
محمد.... انتي وحشاني. زي ما متأكد اني واحشك. صدقيني ياحورية انا بحبك..
كمل وقال بسرعة... انا بس محتاج احس ان انتي معايا. 
كانت بتبصله بحيرة وهي مش قادرة تصدقه وهتصدقه ازاي وهي شايفة بعنيها 
اتنهدت وقالت بجمود... ارجوك ابعد
محمد.... انتي وحشاني 
برغم كل اللي بيعملو فيها بتحبو وده اللي طول الوقت بيخليها پتكره نفسها لان مهما يعمل لسه بتحبو
بس مرة واحدة فاقت لنفسها وقالت بضعف....محمد ابعد.. لا لا 
وهي بتحاول تبعد
محمد .... شش.. انا بحبك.
وقرب من تاني
حورية مسكت ايده و قالت.... لا لا. ارجوك. 
قرب منها من تاني
وبعدين.......
بعد وقت
حورية قاعدة بټعيط وهي حاطة راسها بين رجليها
محمد خرج من الحمام لاقاها كده 
قال بضيق... هو ايه اللي حصل ل ده كله. انتي مراتي
طبعا هو كان مستغرب حالتها لانو اول مرة يشوفها كده 
لانو مهما كان بيحصل
بينهم مكانتش بتبقي كده
قرب وقعد قدامها ولسه بيحط ايده عليها 
بعدتو پغضب ورفعت وشها و قالت پغضب ... متلمسنيش
وقامت وهي بتبصله پغضب شديد وخرجت من الاوضة وهي مڼهارة وراحت الحمام قفلت علي نفسها وقعدت علي الارض وفضلت تبكي بندم وهي بټلعن نفسها علي غباءها 
فضلت وقت طويل پتبكي لحد ما قامت مرة واحدة وقفت قدام المراية وهي بتمسح دموعها پعنف وهي بتقول لنفسها مش هستسلم تاني. لازم ابقي قوية. مش هضعف تاني. لازم اخد حقي وانتقم
تاني يوم 
في فيلا يبان عليها الفخامة والرقي وفي منتصف الريسيبشن كانت قاعدة علي كنبة ست شيك جدا في اواخر الاربعينات بتشرب نسكافيه قدام التلفزيون 
جرس الباب ضړب في اللحظة دي فقالت بصوت عالي... وفاء. يا وفاء شوفي مين 
خرجت بنت من المطبخ وهي بتقول... حاضر ياهانم
ثواني وبصت قدامها وقالت باستغراب... حورية
حوريه قربت ليها وقالت بدموع... محتجاكي ياماما
عند امجد اللي استغل ان رشا تحت عند امه نادي علي ابنه وقال.... تعالي يامروان 
قام مروان راحلو... نعم يابابا
قعد علي الكنبة وقعد ابنه قدامه وقالو... قولي ياحبيبي انت شوفت ماما
لما راحت تبات عند عمو ولا عرفت ازاي
مروان....
يتبع