رفقا بالقوارير ل مياده مأمون

عينها اللي كانت بتحاول تداريهم مني و بعدها حاولت عشان تقوم معايا
قومي يلا غيري بيچامتك دي عشان تنزلي تتغدي معايا انا و عصام
بعد ما وقفت و اتحركت معايا لقيتها فجائه وقفت مكانها و حاولت ترجع للسرير تاني
لاء انا مش جعانه مش عايزه انزل تحت
بقولك يلا عشان تاكلي عشان تاخدي علاجك
لاء بلاش انزل انت مش كنت مابتحبش تخليني انزل و اصحابك هنا اشمعني بقي دلوقتي عايزني انزل
عادي يعني خلاص انتي اتعرفتي عليهم كلهم و تقريبا كل يوم بيسألو عليكي
طب و انا مش عايزة انزل تحت من فضلك بقي سيبني
ضميت حواجبي و انا مستغرب طريقتها دي بس سيبتها
خلاص يا وعد خليكي و انا هابلغ حد من الشاغلين يطلع ليكي الغدي هنا الټفت عشان اخرج من الاوضه لكن هي وقفتني تاني.
قاسم
نعم يا وعد
و رحمة امي فدوة يا قاسم بطل قسۏة عليا بقى
لو عايزاني ابطل قسوه عليكي ماتخبيش انتي عني حاجه يا وعد
يوه قولتلك مش مخبية عنك حاجه
هانشوف يا وعد هانشوف
فضلت تحاول بقدر الامكان تبعد عن عصام حتى المدرسة
قررت انها ماتروحهاش الا علي الامتحان
و دا خلاني اصدق انها ممكن تكون كانت بتخرف في البنج
وعد يا وعد انتي فين
مالك يا قاسم عمال تنادي عليا كده ليه و اصلا راجع بدري ليه
عشانك
عشاني انا خير في حاجه و لا ايه
لاء مافيش مش انتي خلاص اخر امتحان ليكي فاضل
عليه يومين
ايوة فاضل يومين
طب ايه رأيك تيجي نخرج شوية
نخرج انا و انت يعني
اه نخرج انا و انتي ايه عيب
لاء بس دي اول مره يعني تخرجني من ساعة ما جيت من الكفر
و هي فرحانه
مش يمكن زهقت من بعدك عني و نومك في اوضتك لوحدك و بحاول اصالحك
بجد يا قاسم طب هاتوديني فين
قطفت فرولاية من علي خدودها الحمرا
انا راجع النهارده بدري مخصوص عشانك هاخدك نتغدى بره و نشتري كل اللي نفسك فيه
انا نفسي اروح السينما أوي عمري ما روحتها
بس كده حاضر يا ستي يلا بقي اطلعي بسرعة البسي و انا هاستناكي هنا
هوا في ثواني هاكون جاهزه
طلعت علي فوق بسرعة و قعدت استناها
و انا مبسوط ان أخيرا بقينا كويسين مع بعض
بس اتفجأت برقم مديرة مدرستها بيرن علي موبايلي
الو
أهلا يا قاسم بيه
أهلا بحضرتك خير في حاجة و لا ايه
لاء ابدا ماتقلقش بس هو في حاجة حصلت و انا كنت عايزه اعرف اذا كان عندك فكره عنها و لا لاء
حاجة ايه حضرتك
هي في الحقيقه حاجة تخص وعد
وعد مالها عملت حاجة
في الحقيقة يا ابني البنت تصرفاتها كلها محترمه بس هو الشاب اللي كان بيجلها عند المدرسه ده رجع يجلها تاني
اكتر من مره ايام الامتحانات الامن يشوفوها و هي بتتخانق معاه و تجري تركب باص المدرسه
يعني معني كلام حضرتك انه كان بيجلها ايام الدراسه العاديه
ايوه قبل ما تعمل العمليه و حضرتك تبلغنا بأنها مش هاتحضر الا علي الامتحان الشاب ده كان بيجي ليها
و كانت بتركب معاه
لاء الكام مره اللي الامن شافوها فيها ماكانتش بتركب معاه كانت بتقف بس شوية لكن بعد كده بتروح تركب الباص بتاعها تاني
طيب انا متشكر أوي لحضرتك و هاشوف الموضوع ده بنفسي.
قفلت الموبايل و انا سامع خطواتها و هي نازله من علي السلم
انا جاهزة يلا بينا يا قاسم
وقفت ببصلها پغضب و انا ساكت
بقى انتي يا حتة عايله بتضحكي عليا انا و تقولي انك مابتعرفيش حد.
هيييي قاسم روحت فين بقولك انا جاهزة
هاه طب يلا بينا
لاول مرة تخرج من الڤيلا و ماتكنش رايحه المدرسه
كانت فرحانه
اوي و انا كنت بغلي من جوايا بس قررت اني اسايرها
و طالما انتي مش عايزه تتكلمي يا وعد يبقي مافيش قدامي غير حاجه واحده
قاسم انت مش قولت هاندخل السينما جايبنا المول الكبير ده ليه
ما هو المول الكبير ده في سينما برضو امشي قدامي و بلاش فضايح
هو انت ليه وشك اتغير كده من ساعة ما خرجنا من الڤيلا و انت مكشر و زعلان
بصتلها و سكت
و بقيتي تعرفي تفسري ملامحي كمان يا وعد
ببرئتك و لو كانت دي براءة الافعي يا بنت عزوز الغدار.
النهاردة أخر يوم لها في الامتحان
كانت خاېفه طول الليل عمالة تتقلب و هي نايمة جانبي
و ما صدقت النهار طلع جريت علي مكتبها و قعدت تراجع قبل ما تروح الامتحان
اطفي النور يا وعد و تعالي نامي
سيبني اقعد اذاكر شويه قبل ما الباص يجي يا قاسم
باص ايه اللي هايجي الساعه خمسة الفجر ده لسه بدري اوي تعالي كملي نوم و انا هاوديكي ماتخفيش
هاه لاء توديني ليه خليك انت نايم براحتك و انا هاروح زي كل يوم
لاء يا وعد انا هاوديكي النهاردة و اطلع بعد كدة علي الشركة
طيب خلاص ماتتعصبش عليا بس سيبني دلوقتي بقي اقعد اذاكر شوية
طيب ذاكري يا وعد ذاكري
ركبت معايا العربية و روحنا علي المدرسة و مارفعتش عينها في عيني نهائي
كانت عمالة تتلفت حوليها و كأنها
ضايع منها حاجة
انتي مالك عماله تتلفتي حواليكي كده ليه انتي بتدوري علي حد
هاه حد زي مين انا مش بدور علي حد
طب انزلي يلا خليني امشي
انزل فين
هو ايه اللي تنزلي فين مالك يا بت مخبلة النهارده اكده ما المدرسة قصادك اهه انزلي و ادخليها يلا
حاضر حاضر انا بس مش مركزة و خاېفة من الامتحان
حطيت ايدي علي خدها و حسيت بخۏفها و انا بجبرها تبصلي في عنيا
مالك يا وعد مش معقول خۏفك ده كله من الامتحان
مافيش يا قاسم صدقني
نزلت تجري من العربية علي المدرسة عشان تهرب من نظراتي ليها
وقفت العربية و نزلت منها ادور علي اي حد ممكن عيني تشدني ليه بس للأسف ملاقتش حد و لا حاجة
غريبة ركبت العربية تاني و مشيت علي الشركة
دخلت عليا مكتبي اللي اتفاجئت ان بابه مفتوح و انواره منوره و انا موجود فيه
صباح الخير يا حبيبي انت جيت الشركة بدري و لا ايه
اه يا ندي جيت بدري في مانع اني اجي شركتي بدري
لاء يا حبيبي ابدا براحتك طبعا دي شركتك و تيجي في اي وقت
طب اتفضلي علي شغلك بقى عشان عايز اخلص شغلي بسرعة و اروح اجيب وعد من المدرسة
الله طب ليه مش هي بترجع بالباص
سيبت القلم علي الملف اللي كان مفتوح قصادي و انا ببصلها بزهق
لاء انا هاروح اجيبها
مالك بس يا حبيبي انت في حاجة مزعلاك
بطلي بقى الكلمة دي يا ندي
مني بدلعها الجرئ المعتاد و برفانها المثير و مكياچها المبالغ فيه
ابطلها ليه هو انت يعني مش حبيبي و انا حبيبتك
نزلت ايدها من علي ايدي و بعدت عنها
لاء يا ندي لا انتي حبيبتي و لا انا حبيبك و عمري في يوم حتي ما هكون افهمي بقي
اتأثرت من كلامي و ملامحها اتحولت للحزن
ازاي و اللي حصل بينا يوم عيد ميلادك ده مش كان تعبير عن حبك ليا
لاء
اللي حصل بينا ده انتي اللي كنتي السبب فيه و انتي برضو اللي مني ساعاتها و انا ماحبتش ازعلك
انا نفسي افهم انت ليه معاملتك اتغيرت كده معايا
احنا طول فترة الدراسة و احنا مع بعض و حتي لما اشتغلت معاك برضو كنت حاسه انك بتحبني و عايزني
صړخت فيها و انا ببعدها
عني و قولتلها
طريقتي اتغيرت معاكي لما لقيتك عايزة تجريني لحاجة انا رفاضها من زمان
و لمحت ليكي اكتر من مرة عشان ماجرحش كرمتك لكن الظاهر انك ماعندكيش اي كرامة
كدة برضو يا قاسم بقى انا ماعنديش كرامة لاء بقي و انت الصادق
انت اللي اتغيرت من ساعة ما البت اللي جبتها من البلد دي جات و قعدت معاك و واضح اوي انها مظبطاك علي الاخر
مادرىتش بنفسي غير و انا بضربها بالقلم
اخرسي........
كلمه زيادة و رحمة ابويا هاتصرف معاكي تصرف مش هايعجبك
اوعي تجيبي سيرة
وعد علي لسانك الده انتي فاهمة
و اتفضلي بقي بره شركتي خالص و ياريت ماتورينيش وشك تاني
اه انت بتضربني يا ... ... في ستين داهيه شغلك و مرتبك و ديني لاوريك
يلا يا ژبالة اطلعي برة مش عايز اشوف وشك تاني
وصل بعربيته عند المدرسة و قعد يستني ميعاد خروجها الا انه اتفاجئ باتصال ندى بيه و هي پتبكي
الو ايوة يا عصام انت فين
مش معقول ندي بتتصل بيا و بتسألني كمان انا فين
محتجالك اوي يا عصام عايزة اتكلم معاك ضروري
مالك يا ندى انتي بټعيطي و لا ايه
ممكن تقابلني في النادي دلوقتي يا عصام
ايوة بس هو انتي مش المفروض في شغلك دلوقتي
اكيد لاء انا سيبت للزفت ده الشغل
ايه ده انتو اتخانقتو
يووه هاتيجي و لا لاء
ندي بس اصل انا مش
خلاص مش عايزة اعرف حد منكم تاني
طب استني بس خلاص يا ستي هقابلك في النادي روحي علي هناك و انا هاحصلك
قفل معاها و هو پيلعن حظه
جاية تتصلي بيا دلوقتي يا ندي حرام عليكي دي كانت أخر فرصه ليا عشان اقدر الين دماغها اللي ذي الصخر دي.
الفصل الثاني عشر
خرجت من المدرسه هي و أصحابها كانو بيضحكو و يتكلمو عن الامتحان
ماشفتنيش و انا قاعد جوة عربيتي براقبها
بس هي كانت ماشية طبيعي و رايحة تركب الباص بتاعها
اضطريت اني اضرب كلاكس العربية عشان انبهها و تجيلي
وقفت تبص حواليها و تدور علي الصوت لحد ما شافتني
فرحت اوي من جويا لما شوفت ابتسامتها اللي ملت وشها و هي بتجري عليا
و بتترمي في اول ما خرجت ليها
و كأني شايف فيكى بنتي اللي لسه مخلفتهاش
حبيبتي دنيا بتمناها و لسه ماعشتهاش
ملاكي انتي و روحى فيكي و حياتي من غيرك ماتسواش
قاسم قاسم
مالك فرحانه اكدة يا بت هو اني كنت مسافر
لاه اااصل اني حليت كويس وشك كان حلو عليا الصبح
ههههههههه طب يلا اركبي خلينا نروح
وقفو اصحابها يستغربو و يندوها عشان تقولهم مين ده اللي في الشارع
وعد هو مين ده
بصتلي بزعل و عينها بتلومني و بتقولي ليه جابرني اخبي و ردت عليهم بكلمه واحده
ده قاسم
وقفو يسلمو عليا و كأنهم يعرفوني و هما بيتهامسو مع بعض
هو ده قاسم
اهلا و سهلا ازيك دي
وعد مش بتبطل تحكلنا عنك
ناهلا بيكم طب يلا بقي اركبي يا وعد عشان نمشي
حاضر حاضر سلام يا بنات
سلام يا وعد
ركبت جانبي و ربطلها حزام الامان و انا عينى فى عينها
نظرتى ليها خلتها ترجع تسكت تاني
اتحركت بالعربية و انا عايز ارجع فرحتها تاني بأي طريقه
مالك سكتي تاني ليه
زي ما تكون بتقرى افكاري لقتها بتسألني
انت جيت ليه عشان تاخدني يا قاسم
واه حيرتيني معاكي يا وعد من شوية كنتي فرحانه
ليه زعلانه دلوك بجي
اني بتكلم جد انت ليه جيت تاخدني
عشان الصبح كنتي خاېفه و كنت قلقان عليكي
كنت قلقان عليا صح سيبت شغلك و شركتك و جيت عشاني
و مالك مستغربة ليه انتي مش مرتي و من حقي اخاڤ عليكي
مرتك بس مش لازم حد يعرف عشان ماتخسرش مش اكدة
كلامها كان ممزوج بحزن و نظرتها كانت بتقتلني
بين ايدي و انا بقولها
اصحابك قالو انك كنتي مش بتبطلي كلام عني
اه كنت بحكي ليهم عن قسوتك عليا و حكايتنا زمان و البعد اللي بعدته عني لما رمتني لأبوي الشيخ حسن يا ديب
وقفت العربية و سيبت ايدها و انا بغلي من جويا
ازاي بنت صغيرة لسه في سنها و بتفكر التفكير ده
فتحت الباب و نزلت تجرى علي جوه الڤيلا بعد ما دموعها خانتها و ماقدرتش تتحكم فيها
و نزلت علي خدودها اللي بقو زي جمرتين ڼار
نزلت وراها بسرعه عشان الحقها قبل ما تطلع علي اوضتها
ايه انسي بقي انا بحاول افرحك و انتي مش فاكره ليا غير القسۏة ليه
عشان ماشوفتش منك غيرها حتي لما ربطني بيك كنت قاسې عليا
عارفة ليه عشان متأكد انك مخبية عني حاجه
شوفت اهه يعني ماكنتش خاېف و لا قلقان عليا زي ما جولتلي
ردي عليها ماكنش غير اني و قفلت عليها جامد
سبتها پغضب لما تليفوني رن و طلعت تجرى علي السلم و هي پتبكي
الو ايوة يا عصام
اول ما سمعت اسمه وقعت علي ركبتها و اتعورت
جريت عليها و انا ماسك التليفون في ايدي
حاسبي يا وعد جرالك حاجه
اه رجلي يا قاسم اتعورت اااااه
مش تخلي بالك
قفلت التليفون من غير ما أكمل المكالمه و شيلتها بين ايديا و طلعت بيها و هي بټعيط
و نزلتها في اوضة
اللبس
غيرى هدومك علبال ما اجيب قطن و مطهر عشان اطهر ليكي الچرح ده
لاه مش مهم عادي بجي بجملة الچروح
اكتمي بجي
و بطلي تضغطي علي اعصابي اكتر من اكدة
ماتخليش عفريتي يطلع عليكي
خرجت و سيبتها تغير هدومها و قلعت قميصي و دخلت اجبلها القطن و المطهر
رجعت ليها لاقتها لبست فستان ابيض قصير بحملات رفيعه مربطوين فيونكات علي كتفها
قعدت علي الارض قصادها و بدأت اطهر الچرح و انا سامع ألمها لحد ما خلصت
خلاص ماتعيطيش
رجلي بتوجعني
معلش دلوقتي هتبقي كويسة
متأكد اني هابقي كويسه
لاء يا وعد عارفه ليه
ليه يا ديب
عشان انا مش متأكد اذا كنت انا كويس و لا لاء
قومت من جانبها و خرجت قعدت في اوضتنا
و بعد شوية خرجت و وقفت قصادي
هو انا ينفع اقولك حاجه من غير ما تخوفني منك
ايدها و قعدتها علي رجلي
قولي يا وعد و ماتخافيش
انا لما كنت بحكي لأصحابي عنك مش كنت بقول ليهم اني اختك زي ما انت بتقول
رديت عليها و انا بهمس بشافيفي علي خدودها
أومال كنتي بتقولي ليهم انا مين يا وعدي
كنت بقول....
كنتي بتقولي حبيبك مش اكده
ايوة عرفت منين
منك انتي قولتيها و انتي في البنج قولتي قاسم حبيبي صح اني حبيبك يا وعد
حبيبي يا ديب صح برغم كل قسوتك عليا حبيبي
برغم انكارك لارتباطنا ببعض انت حبيبي
برغم انك شايفني لساتني عايله صغيرة بس حتي في دي بردك انت حبيبي
كل كلمة كانت بتقولها كانت بتتحفر جوة قلبي
رديت عليها و انا شايلها بين ايديا و رايح بيها ناحية سريرنا
عارفه ان قسۏتي عليكي دي كلها مصدرها الوحيد هو خۏفي عليكي
لما سيبتك السنين دي كلها للشيخ حسن كنت خاېف عليكي من العيشه اللي كنت عايشها
انتي كنتي صغيرة اوي ماكنتيش هاتتحملي الجوع اللي جوعته و لا القلق اللي كنت فيه و انا مستني الغدر و القټل في اي لحظة و من اي حد
و لما كبرت ليه مش جيت اخدتني ليه سيبتني كل السنين دي
عشان كنت واخد علي نفسي عهد اني لما ارجعك ليا لازم