مأساه حوريه الفصل الثاني ل فريده احمد

يعني. ايه سر تمسكك بيها مش فاهمه 
ياامااا قفلي بقا علي الموضوع ده. وجواز تاني مش هتجوز علشان تريحي نفسك
قالها محمد وهو بينهي اي نقاش في الموضوع ده تاني 
راحت امه قالت بسرعة وسخرية ... هتعمل ايه المعدولة. هي بتعمل حاجة يابني . منا بقولك مبتعملش دا غير انها غلطت فيا امبارح... هقولك ايه مراتك دي مش متربية. اهلها معرفوش يربوها
محمد بص ل حورية اللي كانت واقفة پصدمة وهي متاكده من مکيدة جديدة من حماتها
رجع بص محمد ل امه وقال... غلطت فيكي ازاي ياما
قالت امه بمسكنة ...امبارح كنت تعبانة وانت عارف رجلي بتوجعني ومرات اخوك كانت عند الدكتور ب ابنها وهي الوحيدة اللي كانت فاضية ف روحت قولتلها ياحورية شطبي المطبخ مكان العشا قبل ماتطلعي شقتك..تخيل تقولي ايه.
بصلها باهتمام ف كملت وقالت... قامت شوحتلي بإديها وقالتي ماتعملي انتي . غلطت فيا يابني غلطت في امك 
محمد.... هي قالتلك كده
كملت بدموع مصتنعة وقالت.... هقولك ايه بس ولا ايه. 
حتي اسال اختك اهي بصت لبنتها اللي كانت قاعدة في جمب لوحدها بتقلب في تليفونها بلا مبالاة وقالت... بت يا سمر. مش قالت كده 
وهي بتبص لبنتها بتحذير علشان تأكد اللي قالته
سمر پخوف قالت ... ااه. احم. هي بصراحة قالت كده يامحمد ودايما بتغلط في ماما
امه... شوفت بقا علشان تعرف اني مستحملة منها كتير وبقول علشان خاطرك
اتمالكت نفسها وراحت نزلت الدرجتين من علي السلم وقربت علي حماتها پغضب وقالت... انتي ايه ياولية. مش پتخافي من ربنا انتي ولا بنتك.. اتا قولتلك كده!!!! 
حرام عليكي كفاية تتبلي علياا بقااا. كفاااية. كفاااية كل يوم والتاني تسخنيه عليا
كملت بعصبية وڠضب... سيبيني في حاالي بقاا. عاوزة تعملي فيا ايه بالظبط
محمد بحدة... حورية. وطي صوتك 
حورية پغضب... مش هوطي صوتي. انت مش شايف
بتتبلي عليا ازاي هي واختك.. دي ولية كدابة 
امه... شايف. شايف بتقول علي امك ايه. اللي ملقتش حد يربيها. شايف بتغلط في امك ازااي 
محمد بص ل حورية وپغضب.... اعتذري ل امي حالا
حورية بقوة.... مش هعتذر. انا مغلتطش فيها هي اللي اتبلت عليا. بتقول كلام محصلش. هي اللي غلطت فيا مش انا
وهي بتبص ل حماتها پغضب... دا غير السم اللي كل شوية بتبخه في ودانك علشان موضوع الخلفة 
محمد پغضب مكتوم.... قولت اعتذري حالا
حورية.... وانا قولت مش هعتذر 
هنا نزل علي وشها بقلم تاني اقوي لدرجة اوقعها ارضا وقال... وحيات امي لاربيكي حالا 
ونزل فيها ضړب 
سمر كانت بتبص لامها بندم وعتاب وراحت قالت بسرعة 
كفاية يامحمد علشان خاطري 
وهي بتحاول تبعده عن حورية اللي كان نازل فيها ضړب من غير رحمه 
في اللحظة دي نزلت سلفتها رشا اللي اول ماشافت اللي بيحصل كانت هي كمان مبسوطة جدا وبتبصلها بشماته مخفية
لكن حورية بعدتها عنها پغضب وقالت... ابعدي عني ياحرباية 
وقامت بصعوبة وطلعت
علي شقتها 
ومحمد كان خرج پغضب 
بصت رشا ل حماتها وقولت ببتسامة مقدرتش تخفيها... ايه اللي حصل ياخالتي
اما حورية ف كانت طلعت ولمت هدومها ومشيت علي بيت اهلها وهناك حصل اللي حكيناه في البارت اللي فات
فاقت حورية من شرودها علي محمد اللي دخل وقفل الباب وراه علشان متاخدش بالها من رشا اللي اتسحبت وخرجت من باب الشقه من غير ماتعمل اي صوت
حورية وهي باصة في الارض قالت... انا بس رجعت علشان نسيت المفتاح بتاع بيت اهلي ولما روحت ملقتش حد يفتحلي شكلهم نايمين. انت عارف هما في الدور العالي. احم. انا هبات وهرجع الصبح
بصتله بدموع وقالت.... عاوزني ليه. اما انت كل يوم والتاني بتضربني علي راي امك بسبب ومن غير سبب ومعاملتك معايا مفيش واحدة تستحملها
قال ببعض الندم... معلش حقك عليا. بس انتي ياحورية اللي بتعصبيني وبتجبيه لنفسك. متبقيش تردي ولا تبجحي وانا مش همد ايدي عليكي. وبعدين اللي عملتيه
ده كان يصح. واقفة تغلطي فيا وفي امي. كنتي عاوزاني اعمل ايه. كان طبيعي اتعصب
حورية بصتله بدموع وقهر وقالت... عندك حق. انا فعلا اللي بجيبه لنفسي. علشان بسكت. بتبيعو وتشترو فيا انت واهلك وبسكت
وبدون ولا كلمة تاتية قامت خرجت من الاوضة وهي بتشيل الطرحة من علي راسها وراحت الحمام واللي بمجرد ماقفلت بابه عليها قعدت علي ارضيته وفضلت ټعيط پقهر وحړقة لحد مااخيرا قامت تغسل وشها وتاخد دش يمكن تفوق شوية وتهدي لكن اللي شافته واللي مكانش متوقع وصدمها بشدة 
يتبع.......