جعلتني اقوي ل شيماء صبحي

 
يونس وعماد ومراد بصولها پصدمه وقالوا هيا لسا هناك 
عبير هزت راسها وقالت اكيد في حاجه بتحصل هناك علشان كده هيا اتصلت  
يونس بصلها بانتباه وقال افتحي مكبر الصوت  
عبير هزت راسها ومسكت دموعها وفتحت المكالمه وهيا بتقول ازيك يا نسمه وحشتيني  
نسمه بفرحه سامعين يا بنات اهي عبير ردت عليا  
البنات فضلوا يتكلموا ويقولوا عبير وحشتينا عامله ايه  
عبير ردت عليهم بابتسامه وقالت انا كويسه يابنات طمنوني عليكوا  
البنات بصوا لنسمه بفرحه وهيا قالت احنا هنتجوز يا عبير هنحصلك يا اختي  
عبير بصت پصدمه للتيلفون وبصت ليونس والظابط اللي جمبه وهما قالوا بهمس اسالها هيتجوزوا ازاي  
عبير هزت راسها وقالت اي دا يا نسمه هتتجوزوا أزاي مش المفروض العيرسان بتيجي كل سنه  
نسمه رفعت كتفها وقالت والله يا بنتي مانعرف حاجه هوا منصور وصافيا دخلوا علينا وقالولنا اننا هنتجوز بكره ولازم نجهز نفسنا واحنا بنجهز بعض واحنا فرحانين اهو  
عبير بصت ليونس وهو قال بهمس اساليها امتي هيتجوزو
عبير ابتسمت وقالت بفرحه الف مبروك يا بنات بس قوليل امتي بق بكره  
نسمه اللي ردت وقالت مش عارفين بس انا بكره هبق اتصل عليكي قيل ما ماننزل من العنبر  
عبير هزت راسها وقالت خلاص ماشي انا بس عايزه اكون معاكوا خطوه بخطوه كاني موجوده  
نسمه قالت بفرحه ربنا يخليكي لينا يا حبيبتي بس طمنينيا لقيتي روح  
عبير بصت ليهم وهيا بتسالهم بعينيها تقول ايه ويونس هز راسه بمعني ايوا وعبير قالت لقيتها متقلقوش وكنت عندها من شويه وبتيلم عليكوا كلكوا  
البنات كلهم فضلوا يتكلموا معاها ويباركولها لحدما عبير قبل ما تختم المكالمه قالت بجديه بنات اوعوا اي حد يقول ان نسمه معاها تسلفون انتو عارفين منصور ممكن يعمل فيها ايه مش بعيد ېقتلها  
البنات بصوا لنسمه پخوف وقالو لعبير بجد يا عبير  
عبير وهيا بتقول علشان تخوفهم بجد انتو ناسين انه شړاني ومعندوش رحمه انا خاېفه عليها وعليكوا  
البنات هزوا راسهم وبعدها عبير قالت متنسيش يا نسمه تعرفني قبل متنزلوا من العنبر ماشي  
نسمه هزت راسها بالموافقه واتكلمت حاضر متقلقيش وبعدها قفلت مع المكالمه عبير
عبير اتنهدت بتعب وهيا بتبصلهم وبتقول الظاهر ان منصور عايز يخلص منهم علشان يكبر في غيرهم  
بونس بص لعماد وقال احنا لازم نجمع فريق بكره يكون علي استعداد للقبض علي منصور وطبعا الادله دي كلها هتتعرض علي النيابه بكره الصبح يعني هيكون معانا تصريح بالقبض علي صلاح لكره ان شاء الله  
عماد هز راسه وقال انا هروح انا وفريقي للدار وانت عليك بالقبض علي صلاح  
يونس هز راسه وبص لعبير ومراد وقال احنا هنحتاجك بس علشان تعرفينا البنات هينزلوا امتي وطبعا هتكوني في بيتك عادي بس تركزي اوي مع التيلفون وانت يا مراد ارجوك تبلغني انا او الظابط عماد بالرد بتاع البنت دي ارقامنا معاك
مراد هز راسه ووقف هوا وعبير واستاذن من يونس وعماد انهم هيروحوا علشان الوقت اتاخر  
يونس وقف علشان يودعهم وخرج معاهم لحدما مراد وعبير ركبوا العربيه واتحركوا  
يونس رجع تاني للبيت وبص لعماد وقال انا هبات هنا وانت لو حابب اتفضل هنا البيت بيتك  
عماد ابتسم ووقف وهوا بيقول متحرمش منك يا يونس بس انا لازم امشي علشان ابلغ الفريق ان في مهمة بكره وكمل كلامه وهو بيخبط علي كتف يونس وبيقول وانت بق يا بطل حاول تنام علشان تصحي بدري لمهتمك  
يتبع بقلمي شيماء صبحي 
تتوقعوا ايه اللي هيحصل بكره وهل هتنجح خطتهم ولا ممكن تحصل حاجه ويفشلوا  
الفصل الخامس عشر 
نوڤيلاجعلتني أقوي
بقلم شيماء صبحي
في صباح يوم جديد صحي يونس علي صوت المنبه وقام من علي السرير وبدأ يستعد للخروج من البيت وقف قدام المرايه وهو بيبص لنفسه وبيقول ان شاء الله اليوم هينتهي من غير اي خساير
اتنهد يونس بعدما خرج من الحمام وبدا يلبس هدومه وبعد وقت كان انتهي  
جهز يونس شنطته اللي هيتحرك بيها علي النيابه وبعدها خرج من البيت وركب عربيته وساقها باقصي سرعه
وفي بيت جدة يونس صحيت روح علي صوت رنة تيلفون مامتها مسكت روح الموبايل الصغير وهيا بتبص عليه بنوم ولقت ان الرقم مسجل باسم سامي
روح غمضت عينيها وفتحتها وهيا بتبص للاسم وبتقول لنفسها باستغراب معقول سامي دا يبق ابويا  
قامت روح وهيا ماسكه التيلفون وبتبص علي الرقم بتساول وخرجت من الاوضة بتاعها ووقفت في البلكونه وفتحت المكالمه  
كان صوت راجل وكان بيقول انتي فين يا نادره انا رجعت البلد وملقتكيش ردي عليا هربتي وروحتي فين يا فاجره 
روح اټصدمت اول ما سمعت كلام الشخص دا فقالت پغضب انت مين انت علشان تغلط في امي رد عليا  
الشخص الي بيكلمها استغرب صوتها وكلامها وقال امك مين يا بت انتي هيا فين نادره روحي اديلها التيلفون  
روح قالت پصدمه معقول انت ابويا اللي سيبتها وهربت  
سامي والدها استغرب كلامها وقال ابوكي مين ياا شاطره بقولك اديني صاحبه التيلفون دا  
روح اتعصبت من كلامه وقفلت المكالمه وهيا بتبص للتيلفون پغضب وبتقول انسان حقېر  
خرجت روح من البلكونه وهيا مټعصبه وقررت انها هتكسر
التيلفون علشان الشخص دا ميحاولش يتصل بامها تاني ويزعجها  
مسكت روح الموبايل ورمته في الارض لحد ما اتكسر وبعدما اتاكدت انه اتكسر مسكته ورمته من البلكونه  
وبداخل قسم الشرطة كان واقف عماد وفريقه وكانوا مستعدين انهم يتحركوا ولاكنهم كانوا واقفين وبيتكلموا لحدما عماد يديلهم الاشاره
عماد كان قاعد وهوا فاتح اللاب توب بتاعه وبيظبط ليونس الصوت بتاع عبير علشان لما يعرضه علي النيابه يبق الكلام واضح اكتر  
وكيل النيابه كان متفاجئ من زياره يونس فساله باستغراب خير يا حضرت الظابط ايه اللي فكرك بينا  
يونس هز راسه وقال ايوا هوا في الحقيقه احنا شغالين علي القضيه دي من فتره واكتشفنا ان صلاح السعدني زائد شغله كرجل اعمال
منير وقف پصدمه وهو بيسمع كلام يونس وبيقول الكلام اللي انت بتقوله دا يا يونس دا كارثه  
يونس فتح شنتطه قدام منير وقال كل دول فيديوهات صوت وصوره بتشرح ان الموضوع دا بيحصل ومن اكتر من ١ سنين
يونس بص ل منير وقال صلاح السعدني شغال معاه ثلاثه واحد منهم اسمه منصور ودا يبق مدير الملجأ واللي مسؤل عن رعاية البنات
يونس هز راسه وقال في الحقيقه يا فندم في فريق دلوقت مراقب دار الايتام لاننا عرفنا انهم هيبعيوا النهارده اخر ١ بنت من البنات الكبيره اللي سنها فوق الثلاثين وعلشان كدا انا مستعجل جدا يا فندم لان معايا فريقي ومستنين التصريح بالقبض علي صلاح  
بقلم شيماء صبحي 
منير بص ليونس بفخر وقال انا فخور بيك انك قدرت تعمل كل دا ومهمكش ان دا والد خطيبتك لان القانون فوق الجميع يا يونس وانا هديك التصريح دلوقت وان شاء الله ترجعوا بالسلامه بدون اي خساير  
يونس وقف وهو بيبص لمنير بحماس وهز راسه بشكر ومنير جهزله التصريح وادهاله  
يونس استأذن من